ദിലീപിന്റേയും നാദിര്‍ഷായുടെയും കഴിഞ്ഞ പത്ത് വര്‍ഷത്തെ ഇടപാടുകള്‍ പരിശോധിക്കും, കൊച്ചി വിട്ട് പോകാന്‍ ആകാതെ ദിലീപ്

ദിലീപ് വീണ്ടും കുരുക്കിലേക്ക്? നടനെ പിന്തുണച്ചവര്‍ക്ക് ഇരുട്ടടി? കൂടുതല്‍ പേരെ ചോദ്യം ചെയ്യും

നടി ആക്രമിക്കപ്പെട്ട സംഭവവുമായി ബന്ധപ്പെട്ട് നടന്‍ ദിലീപിനേയും സംവിധായകന്‍ നാദിര്‍ഷായേയും കഴിഞ്ഞ ദിവസം പൊലീസ് ചോദ്യം ചെയ്തിരുന്നു. സംഭവത്തില്‍ കൂടുതല്‍ വ്യക്തത വരുത്തുന്നതിനായി ഇരുവരുടെയും ഭൂമി ഇടപാടുകള്‍ പരിശോധിക്കാന്‍ തയ്യാറായി പൊലീസ്. കഴിഞ്ഞ പത്ത് വര്‍ഷത്തെ ഭൂമി ഇടപാടുകള്‍ പരിശോധിക്കാനാണ് പൊലീസിന്റെ തീരുമാനം. ഭൂമി വാങ്ങിയ സമയത്ത് അതിനുള്ള വരുമാനം ഇരുവര്‍ക്കും ഉണ്ടായിരുന്നുവോ എന്നും പൊലീസ് പരിശോധിക്കും.

നടന്‍ ദിലീപും നാദിര്‍ഷയും അടുത്ത അഞ്ചു ദിവസത്തേയ്ക്കു നോട്ടിസ് പിരീഡിലാണെന്നു സൂചന. നടനോട് കൊച്ചിവിട്ടു പോകരുത് എന്നു നിര്‍ദേശം നല്‍കിയതായും സൂചനയുണ്ട്. അഞ്ചു ദിവസത്തിനു ശേഷം വീണ്ടും ദിലീപിനെ ചോദ്യം ചെയ്യാന്‍ സാധ്യതയുണ്ടെന്നും റിപ്പോര്‍ട്ടുകള്‍ ഉണ്ട്. 

അതേസമയം, നടി ആക്രമിക്കപ്പെട്ട സംഭവത്തിലെ ഗൂഡാലോചന നീക്കുന്നതിനായി കൂടുതല്‍ ആളുകളെയും ചോദ്യം ചെയ്യാന്‍ സാധ്യതയുണ്ട്. സിനിമാ രംഗത്തുള്ളവരേയും ചോദ്യം ചെയ്യുമെന്നാണ് റിപ്പോര്‍ട്ടുകള്‍.