നടി ആക്രമിക്കപ്പെട്ട കേസ്; കാവ്യാ മാധവനും നാദിർഷായും സാക്ഷികളാകും, അപ്പുണ്ണിയുടെ മൊഴി ദിലീപിനെതിരെ?

ദിലീപിനെതിരെ കാവ്യയും നാദിർഷായും?!

കൊച്ചിയിൽ നടി ആക്രമിക്കപ്പെട്ട കേസിൽ വഴിത്തിരിവ്. ദിലീപിന്റെ ഭാര്യയും നടിയുമായ കാവ്യാ മാധവനും സംവിധായകൻ നാദിർഷായും കേസിൽ സാക്ഷികളാകും. അന്വേഷണ സംഘം സമർപ്പിക്കാനൊരുങ്ങുക്ക കുറ്റപത്രത്തിൽ ഇരുവരെയും സാക്ഷികളാക്കിയതായി റിപ്പോർട്ട്.

നാദിർഷായ്ക്കും കാവ്യയ്ക്കുമൊപ്പം ദിലീപിന്റെ മാനേജർ അപ്പുണ്ണിയുടെ മൊഴിയും താരത്തിനെതിരാണെന്ന് സൂചനകളുണ്ട്. കേസിൽ ദിലീപിനെതിരായ തെളിവുകളുടെ വൻശേഖരമാണ് പൊലീസ് നടത്തിയിരിക്കുന്നത്. കുറ്റപത്രം ഉടൻ സമർപ്പിക്കുമെന്നാണ് റിപ്പോർട്ട്. മംഗളം ചാനലാണ് ഇക്കാര്യം പുറത്തിവിട്ടിരിക്കുന്നത്.

അതോടൊപ്പം, ആക്രമിക്കപ്പെട്ട നടി ദിലീപിനെതിരെയുള്ള നിലപാട് കടുപ്പിച്ചുവെന്നും ഇക്കാര്യം പൊലീസിനെ അറിയിച്ചുവെന്നും റിപ്പോർട്ടിൽ പറയുന്നു. ചെറിയ പിഴവ് പോലും കുറ്റവാളി രക്ഷപെടാൻ കാരണമാകുമെന്നതിനാൽ പഴുതടച്ചുള്ള അന്വെഷണമാണ് പൊലീസ് നടത്തിയിരിക്കുന്നത്.