ബാബ്‌റി മസ്ജിദ് കലാപത്തില്‍ നിന്നും കേരളത്തെ രക്ഷിച്ചത് മോഹന്‍ലാലും മമ്മൂട്ടിയും!

നിങ്ങളേയും കേരളത്തേയും അന്ന് രക്ഷിച്ചത് മമ്മൂട്ടിയും മോഹന്‍ലാലുമാണ്!

ഇന്ത്യയൊട്ടാകെ ആള്‍ക്കത്തിയ ബാബറി മസ്ജിദ് കലാപം ഒരിന്ത്യക്കാരനും മറക്കാന്‍ കഴിയില്ല. അന്ന് കലാപത്തില്‍ നിന്നും കേരളത്തെ രക്ഷിച്ചത് മലയാളത്തിന്റെ സൂപ്പര്‍‌നടന്മാരായ മമ്മൂട്ടിയും മോഹന്‍ലാലും ആണെന്ന പ്രസ്താവനയുമായി ഡി ജി പി ലോക്‍നാഥ് ബെഹ്‌റ. വനിതക്ക് നല്‍കിയ അഭിമുഖത്തിലാണ് ബെഹ്‌റ ഇക്കാര്യം പറയുന്നത്.

1992ല്‍ ബാബ്‌റി മസ്ജിദ് പ്രശ്‌നമുണ്ടായപ്പോള്‍ അതിന്റെ ഭാഗമായി കേരളത്തിലും വര്‍ഗീയ കലാപം ഉണ്ടാകുമെന്ന് റിപ്പോര്‍ട്ടുകള്‍ ഉണ്ടായിരുന്നു. ഇന്റലിജന്‍സ് ആയിരുന്നു ഈ റിപ്പോര്‍ട്ട് പുറത്തുവിട്ടത്. അതിനെ നേരിടാന്‍ ചെറിയൊരു കാര്യം മാത്രമാണ് പൊലിസ് ചെയ്തത്. പക്ഷേ അതൊരു ഒന്നൊന്നര തന്ത്രമായിരുന്നുവെന്ന് ബെഹ്‌റ പറയുന്നു.

സംസ്ഥാനത്തെ കേബിള്‍ ടിവി ഓപ്പറേറ്റര്‍മാരെയെല്ലാം വിളിച്ച് ചാനലുകളില്‍മ മ്മൂട്ടിയുടേയും മോഹന്‍ലാലിന്റെയും ഹിറ്റ് സിനിമകള്‍ ടെലികാസ്റ്റ് ചെയ്യാന്‍ പറയുകയായിരുന്നു ആ തന്ത്രമെന്ന് ബെഹ്‌‌റ പറയുന്നു. പൊലീസിന്റെ ഈ തന്ത്രം ഫലിക്കുകയും ചെയ്തു. മമ്മൂട്ടിയും മോഹന്‍ലാലും കത്തി നില്‍ക്കുന്ന സമയമായതിനാല്‍ അത് ഫലിച്ചു. ജനങ്ങളെ വീടിനുള്ളില്‍ പിടിച്ചിരുത്താന്‍ ആ നീക്കത്തിനു കഴിഞ്ഞുവെന്നും ബഹ്‌റ അവകാശപ്പെട്ടു.