മഞ്ജു വാര്യരും സന്ധ്യയും തമ്മിൽ അഭേദ്യമായ അവിഹിതബന്ധം, മഞ്ജു വൈരാഗ്യം തീർക്കുന്നു: ആഞ്ഞടിച്ച് പി സി ജോർജ്

മീനാക്ഷി എന്തുകൊണ്ട് മഞ്ജുവിന്റെ കൂടെ പോകുന്നില്ല? - പി സി ജോർജ് പറയുന്നു

നടിയെ ആക്രമിച്ച കേസിൽ ദിലീപിനെ പെടുത്തിയതാണെന്ന് പൂഞ്ഞാർ എം എൽ എ പിസി ജോർജ്. മഞ്ജു വാര്യർക്കും കേരള പൊലീസിനുമെതിരെ രുക്ഷമായ വിമർശനങ്ങളാണ് പി സി ജോർജ്ജ് ഉന്നയിക്കുന്നത്. മനോരമ ഓൺലൈനിന്റെ പ്രത്യേക അഭിമുഖ പരമ്പരയായ മറുപുറത്തിലാണ് അദ്ദേഹം ഇക്കാര്യങ്ങൾ വെളിപ്പെടുത്തിയിരിക്കുന്നത്. 

'മഞ്ജു നല്ല നടിയാണ്. അവരുടെ അഭിനയം ഇഷ്ടമാണ്. പക്ഷേ മഞ്ജുവിന്റെ മനസ് കഠിനമാണ്. മഞ്ജു ഇപ്പോൾ വൈരാഗ്യം തീർക്കുകയാണ്. വളരെ അപകടമായ ചതിക്കുഴിയിലാണ് മഞ്ജു ഇപ്പോൾ ചെന്നുപെട്ടിരിയ്ക്കുന്നത്. മകൾ മീനാക്ഷി എന്തുകൊണ്ട് മഞ്ജുവിനൊപ്പം പോകുന്നില്ല. അതും ഒരു പെൺകുട്ടി?. - പി സി ജോർജ് ചോദിക്കുന്നു.

മഞ്ജുവിനൊപ്പം എഡിജിപി ബി സന്ധ്യയ്ക്കെതിരേയും രൂക്ഷ വിമർശനങ്ങളാണ് ജോർജ്ജ് ഉന്നയിക്കുന്നത്. ഇപ്പോൾ കേസിനു നേതൃത്വം കൊടുക്കുന്നത് സന്ധ്യയാണെന്നും അവരും മഞ്ജുവുമായിട്ടുള്ള അഭേദ്യമായ അവിഹിതബന്ധവും ഇതിൽ ഉണ്ടെന്നാണ് മനസ്സിലാക്കുന്നതെന്നും പി സി ജോർജ്ജ് പറയുന്നു. സിനിമയിൽ അമിതമായ ഭ്രാന്തുള്ള രാഷ്ട്രീയക്കാരന്റെ മകനും ഈ കച്ചവടത്തിൽ പങ്കുണ്ടെന്നാണ് എം എൽ എയുടെ ആരോപണം.