മാതൃകാസുഹൃത്തുക്കള്‍ തമ്മില്‍ തെറ്റി, വിജയ്ബാബു മര്‍ദ്ദിച്ചെന്ന് സാന്ദ്രാ തോമസ്; ഫ്രൈഡേ ഫിലിംസില്‍ സംഭവിക്കുന്നത്...

വിജയ് ബാബു മര്‍ദ്ദിച്ചെന്ന് സാന്ദ്രാ തോമസ്, ആത്മാര്‍ത്ഥ സുഹൃത്തുക്കള്‍ ശത്രുക്കളായപ്പോള്‍...

ആത്മാര്‍ത്ഥ സുഹൃത്തുക്കളായ വിജയ്ബാബുവും സാന്ദ്രാതോമസും തമ്മില്‍ തെറ്റി. സാന്ദ്രാ തോമസിനെ വിജയ് ബാബു മര്‍ദ്ദിച്ചതായി പരാതി. ഫ്രൈഡേ ഫിലിംസ് എന്ന നിര്‍മ്മാണക്കമ്പനിയുടെ ഉടമകളും താരങ്ങളുമായ ഇരുവരും ഇപ്പോള്‍ കടുത്ത ശത്രുതയിലാണെന്നാണ് വിവരം. സാന്ദ്രയുടെ പരാതിയിന്‍‌മേല്‍ വിജയ് ബാബുവിനെതിരെ എളമക്കര പൊലീസ് കേസെടുക്കുമെന്നറിയുന്നു.

ഫ്രൈഡേ ഫിലിംസിന്‍റെ ഉടമസ്ഥാവകാശത്തെ ചൊല്ലിയുള്ള തര്‍ക്കമാണ് ഇപ്പോള്‍ തമ്മിലടിയില്‍ കലാശിച്ചിരിക്കുന്നത്. ചൊവ്വാഴ്ച വിജയ് ബാബുവിന്‍റെ ഓഫീസിലെത്തിയ സാന്ദ്രയെ വിജയ്ബാബുവും കൂട്ടാളികളും ചേര്‍ന്ന് മര്‍ദ്ദിച്ചതായാണ് പരാതി.

ഫ്രൈഡേ, മങ്കിപെന്‍, അടി കപ്യാരേ കൂട്ടമണി, പെരുച്ചാഴി, ആട് ഒരു ഭീകര ജീവിയാണ്, ആമേന്‍ തുടങ്ങിയ സിനിമകള്‍ നിര്‍മ്മിച്ച കമ്പനിയാണ് ഫ്രൈഡേ ഫിലിംസ്.