‘ജയിലില്‍ നിന്നും നിഷാം ബിസിനസ് നിയന്ത്രിക്കുന്നു, ഒരു ഫയല്‍ ഉടന്‍ തന്നെ ജയിലിലെത്തണം’ - ജീവനക്കാരെ ഭീഷണിപ്പെടുത്തി മുഹമ്മദ് നിഷാം

നിസാമിന് ആരേയും പേടിയില്ല?

ചന്ദ്രബോസ് വധക്കേസിലെ പ്രതി മുഹമ്മദ് നിഷാം ജയിലിലെ ലാന്‍ഡ് ഫോണില്‍ നിന്നും തന്റെ ഓഫീസ് ജീവനക്കാരെ വിളിച്ച് ഭീഷണിപ്പെടുത്തിയതായി പരാതി. തൃശൂര്‍ സിറ്റി പൊലീസിനാണ് പരാതി ലഭിച്ചിരിക്കുന്നത്. സംഭാഷണത്തിന്റെ ശബ്ദരേഖ അടക്കം കിംഗ്‌സ് സ്‌പേസസ് എന്ന നിഷാമിന്റെ സ്ഥാപനത്തിലെ മാനെജര്‍ ചന്ദ്രശേഖരനാണ് പരാതി നല്‍കിയത്. സംഭവത്തില്‍ പൊലീസ് അന്വേഷണം ആരംഭിച്ചു.

കേസ് നടത്തിപ്പിന് പണം നല്‍കണമെന്ന് ആവശ്യപ്പെട്ടാണ് നിഷാമിന്റെ ഭീഷണി. കൂടാതെ ഓഫിസില്‍ നിന്നും ഒരു ഫയല്‍ ഉടന്‍ തന്നെ ജയിലില്‍ എത്തിക്കണമെന്നും നിഷാം ഫോണ്‍ സംഭാഷണത്തില്‍ ആവശ്യപ്പെടുന്നുണ്ട്. ചൊവ്വാഴ്ചയാണ് കണ്ണൂര്‍ സെന്‍ട്രല്‍ ജയിലിലെ ലാന്‍ഡ് ഫോണില്‍ നിന്നും നിഷാം ഫോണ്‍ വിളിച്ച് ഭീഷണിപ്പെടുത്തിയതെന്നും അസഭ്യം പറഞ്ഞതെന്നും പരാതിയില്‍ പറയുന്നു.

ജയിലില്‍ നിന്നും നിസാം ബിസിനസ് നിയന്ത്രിക്കുന്നുവെന്നും ഭീഷണിപ്പെടുത്തുന്നുവെന്നും നേരത്തെ പരാതി ഉയര്‍ന്നിരുന്നു.