പ്രിയദര്‍ശന്റെ 'വെട്ടം'ത്തിന് 17 വയസ്സ്, ഗാനങ്ങള്‍ ഒരിക്കല്‍ കൂടി കേള്‍ക്കാം

മലയാളികള്‍ ഇന്നും കാണാന്‍ കൊതിക്കുന്ന ചുരുക്കം ചില ചിത്രങ്ങളില്‍ ഒന്നാണ് വെട്ടം.2004 ഓഗസ്റ്റ് 20ന് പുറത്തിറങ്ങിയ പ്രിയദര്‍ശന്‍ ചിത്രത്തിന് ഇന്നേക്ക് 17 വര്‍ഷങ്ങള്‍ പിന്നിടുന്നു. ഇന്നും മിനിസ്‌ക്രീനിലൂടെ നമ്മളെല്ലാം ചിരിപ്പിക്കുന്ന ചിത്രം കൂടിയാണിത്.

പ്രണയവും ഹാസ്യവും ഒരേ അളവില്‍ ചേര്‍ത്താണ് പ്രിയദര്‍ശന്‍ ഈ ചിത്രം ഒരുക്കിയിരിക്കുന്നത്. അതിനാല്‍ തന്നെ ചിത്രത്തിലെ ഓരോ സീനുകളും ആസ്വാദകരുടെ മനസ്സില്‍ ഇന്നുമുണ്ടാകും. സിനിമയിലെ പാട്ടുകളും അതേപോലെതന്നെ.

'മഴത്തുള്ളികള്‍ പൊഴിഞ്ഞീടുമീ', 'ഒരു കാതിലോല ഞാന്‍ കണ്ടീല' തുടങ്ങി ഏഴ് ഗാനങ്ങളാണ് ചിത്രത്തിലുള്ളത്.ബിയാര്‍ പ്രസാദ് , രാജീവ് ആലുങ്കല്‍, നാദിര്‍ഷ എന്നിവര്‍ എഴുതിയ ഗാനങ്ങള്‍ക്ക് ബേണി ഇഗ്‌നേഷ്യസ് ആണ് സംഗീത സംവിധാനം നിര്‍വ്വഹിച്ചത്.

രേവതി കലാമന്ദിറിന്റെ ബാനറില്‍ മേനക സുരേഷ് കുമാര്‍, കാര്‍ത്തിക സുരേഷ് കുമാര്‍, രേവതി സുരേഷ് കുമാര്‍ എന്നിവര്‍ നിര്‍മ്മാണം ചെയ്ത ഈ ചിത്രം സ്വര്‍ഗ്ഗചിത്ര ആണ് വിതരണം ചെയ്തത്.