മൂന്ന് വയസ്സുകാരി കരയുമ്പോള്‍ കണ്ണീരിന് പകരം കണ്ണില്‍ നിന്നും വരുന്നത് രക്തം. അഹാനാ അഫ്‌സല്‍ എന്ന പെണ്‍കുട്ടിക്കാണ് ഈ ഞെട്ടിപ്പിക്കുന്ന ശാരീരികാവസ്ഥയുള്ളത്.കുട്ടിയുടെ ഈ ശാരീരികാവസ്ഥ കണ്ട് മാതാപിതാക്കളും ഡോക്ടര്‍മാരും അമ്പരന്നിരിക്കുകയാണ്.
ആദ്യം മൂക്കിലൂടെ വന്നതിനെ തുടര്‍ന്ന് ആശുപത്രിയിലാക്കിയ പെണ്‍കുട്ടിക്ക് ഇപ്പോള്‍ വായിലൂടെയും ചെവിയിലൂടെയും സ്വകാര്യഭാഗങ്ങള്‍ വഴിയെല്ലാം രക്തം വരുകയാണ്. കുട്ടിക്ക് ഒരു വയസ്സുള്ളപ്പോള്‍ നിമോണിയ ബാധിച്ച് മൂക്കിലൂടെ രക്തം വരാന്‍ തുടങ്ങിയതോടെയാണ് പ്രശ്‌നങ്ങള്‍ ആരംഭിച്ചതെന്ന് മാതാപിതാക്കള്‍ പറയുന്നു. രോഗം നിര്‍ണയിക്കാന്‍ കഴിയാതേ ഡോക്ടര്‍മാര്‍ മറ്റാശുപത്രികളിലെ ഡോക്ടര്‍മാരുടെ കൂടി സഹായം തേടിയിരിക്കുകയാണ് എന്ന് പെണ്‍കുട്ടിയുടെ പിതാവ് മൊഹമ്മദ് അഫ്‌സല്‍ വ്യക്തമാക്കി.