ഹൂഡ അവകാശവാദമുന്നയിക്കും

PRO

PRO

ഹരിയാന മുഖ്യമന്ത്രി ഭൂപീന്ദര്‍ സിംഗ് ഹൂഡ പുതിയ സര്‍ക്കാര്‍ രൂപീകരിക്കാന്‍ അവകാശവാദം ഉന്നയിക്കും. കോണ്‍ഗ്രസ് വൃത്തങ്ങളാണ് ഇക്കാര്യം വെളിപ്പെടുത്തിയത്.

വെള്ളിയാഴ്ച ഗവര്‍ണര്‍ ജഗന്നാഥ് പഹാഡിയയെ സന്ദര്‍ശിക്കുന്ന ഹൂഡ സ്വതന്ത്ര എം‌എല്‍‌എമാരുടെ പിന്തുണ കത്ത് കൈമാറിയ ശേഷമായിരിക്കും സര്‍ക്കാര്‍ രൂപീകരിക്കാനുള്ള അവകാശവാദം ഉന്നയിക്കുക. കഴിഞ്ഞദിവസം രാത്രി ആറ് എം‌എല്‍‌എമാര്‍ ഹൂഡയുടെ വസതിയിലെത്തി പിന്തുണ പ്രഖ്യാപിച്ചു എന്നാണ് റിപ്പോര്‍ട്ട്.

ഹരിയാനയില്‍ 40 സീറ്റ് നേടിയ കോണ്‍ഗ്രസ് ആണ് ഏറ്റവും വലിയ ഒറ്റക്കക്ഷി. ഐ‌എന്‍‌എല്‍ഡിക്ക് 31 സീറ്റും ശിരോമണി അകാലിദളിന് ഒരു സീറ്റും നേടാനായി. ബാക്കിയുള്ള 18 സീറ്റുകളില്‍ ഹരിയാന ജനഹിത് കോണ്‍ഗ്രസ് ആറ് സീറ്റ് നേടി. ബിജെപിക്ക് നാലും ബി‌എസ്പിക്ക് ഒന്നും സ്വതന്ത്രര്‍ക്ക് ഏഴും സീറ്റ് ലഭിച്ചു.