400 കുട്ടികളുടെ ജീവന്‍ രക്ഷിക്കാന്‍ പൊലീസുകാരന്‍ ബോംബുമെടുത്ത് ഓടിയത് ഒരു കിലോമീറ്റര്‍! - സ്വന്തം ജീവന്‍ പോലും നോക്കിയില്ല

400 കുട്ടികളുടെ ജീവന്‍ രക്ഷിക്കാന്‍ ആ പൊലീസുകാരന്‍ ചെയ്തത്...

സ്കൂളില്‍ ബോബ് വെച്ചിട്ടുണ്ടെന്ന അറിയിപ്പിനെ തുടര്‍ന്നാണ് ഹെഡ് കോണ്‍‌സ്റ്റബിള്‍ അഭിഷേക് പട്ടേലും സംഘവും ആ സ്കൂളില്‍ എത്തിയത്. പരിശോധനയില്‍ ബോംബ് കണ്ടെത്തുകയും ചെയ്തു. എന്നാല്‍, കുട്ടികളെ രക്ഷിക്കാന്‍ കോണ്‍‌സ്റ്റബിള്‍ ചെയ്തത് കേട്ടാല്‍ അരുമൊന്ന് ഞെട്ടും. 

ബോംബ് സ്ഫോടനത്തില്‍ നിന്നും സ്കൂളിനേയും 400 കുട്ടികളേയും രക്ഷിക്കാന്‍ അദ്ദേഹം സ്വന്തം ജീവന്‍ മറന്നു. കയ്യില്‍ കിട്ടിയ ബോംബുമായി അദ്ദേഹം ഓടിയത് ഒരു കിലോമീറ്റര്‍‍. മധ്യപ്രദേശിലെ ചിത്തോറയില്‍ വെള്ളിയാഴ്ച്ച വൈകിട്ടാണ് സംഭവം. സ്‌കൂളില്‍ ബോംബുവച്ചു എന്ന വാര്‍ത്തയറിഞ്ഞ് എത്തിയ മാധ്യമ പ്രവര്‍ത്തകരാണ് ചിത്രം പുറത്തുവിട്ടത്.

കുട്ടികളെ രക്ഷപ്പെടുത്തുക, സുരക്ഷിതരാക്കുക എന്ന ലക്ഷ്യം മാത്രമേ തനിക്കപ്പോള്‍ ഉണ്ടായിരുന്നുള്ളുവെന്ന് കോണ്‍‌സ്റ്റബിള്‍ വ്യക്തമാക്കി. ബോംബ് പൊട്ടിയാല്‍ അരകീലോമീറ്റര്‍ വരെ ആഘാതമുണ്ടായേക്കാം. ഇതിനാലാണ് അത്രേയും ദൂരം ഓടിയതെന്നും അദ്ദേഹം വ്യക്തമാക്കി.