42 വർഷമെടുത്ത് കനാൽ പണിതു; ഉദ്ഘാടനം കഴിഞ്ഞ് 14 മണിക്കൂറിനുള്ളിൽ ഒലിച്ചുപോയി; കുറ്റം എലികളുടെ തലയിൽ കെട്ടിവെച്ച് അധികൃതർ

എന്നാൽ കനാൽ തകരാനുള്ള കാരണം എലികളാണെന്നാണ് അധികൃതരുടെ വാദം.

42 വർഷങ്ങൾ എടുത്ത് നിർമ്മിച്ച കനാൽ ഉദ്ഘാടനം ചെയ്ത് 24 മണിക്കൂറിനകം ഒലിച്ചുപോയി. ജാർഖണ്ഡിലാണ് ഞെട്ടിപ്പിക്കുന്ന സംഭവമുണ്ടായത്. ബുധനാഴ്ചയാണ് മുഖ്യമന്ത്രി രഘുബർ ദാസ് കനാൽ ഉദ്ഘാടനം ചെയ്തത്. അതിനു പിന്നാലെ വിള്ളലുണ്ടാവുകയും ഒലിച്ചുപോവുകയുമായിരുന്നു. 

എന്നാൽ കനാൽ തകരാനുള്ള കാരണം എലികളാണെന്നാണ് അധികൃതരുടെ വാദം. എലിമാളങ്ങളാണ് കനാൽ തകർത്തതെന്നാണ് പ്രാഥമിക നിഗമനം. സംഭവത്തെക്കുറിച്ച് അന്വേഷിക്കാൻ ഉന്നതലതല സമിതിയെ നിയോഗിച്ചെന്ന് ജലവിഭവ വകുപ്പ് അഡീഷണൽ ചീഫ് സെക്രട്ടറി അരുൺ കുമാർ സിങ് പറഞ്ഞു.