കൊവിഡ് 19; തമിഴ്നാട്ടിൽ ഇന്നലെ മാത്രം രോഗം സ്ഥിരീകരിച്ചത് 57 പേർക്ക്, ആകെ രോഗികൾ 124

തമിഴ്നാടിനെ കൂടുതൽ പ്രതിസന്ധിയിലാക്കി കൊവിഡ് 19. കൂടുതൽ ആളുകളിലേക്ക് രോഗം വ്യാപിച്ചു. ഇന്നലെ ഒരൊറ്റ ദിവസം കൊണ്ട് രോഗം സ്ഥിരീകരിച്ചത് 57 പേരിലാണ്. ഇതോടെ രോഗികളുടെ എണ്ണം 124 ആയി ഉയർന്നു. ഇന്നലെ രോഗം സ്ഥിരീകരിച്ചവരിൽ 50 പേർ ഡൽഹി നിസാമുദ്ദീനിൽ നടന്ന ത‌ബ്‌ലീഗ് ജമാഅത്ത് ഏഷ്യൻ സമ്മേളനത്തിൽ പങ്കെടുത്തവരാണ്. മറ്റു ഏഴ് പേർ രോഗികളുമായി സമ്പർക്കം പുലർത്തിയവരാണ്.

സംസ്ഥാനത്തു നിന്നു 1136 പേർ യോഗത്തിൽ പങ്കെടുത്തുവെന്നാണു സർക്കാരിനു ലഭിച്ചിരിക്കുന്ന വിവരം. ഇതിൽ 581 പേരെ ഇതിനകം കണ്ടെത്തി. മറ്റുള്ളവരെ കൂടി കണ്ടെത്തി അവരുമായി സമ്പർക്കത്തിൽ വന്നവരെ കൂടി ക്വാറന്റീൻ ചെയ്യാനുള്ള നടപടികൾ പുരോഗമിക്കുകയാണ്. പലരേയും കണ്ടെത്താൻ കഴിയാത്തതും ആശങ്ക ഉണർത്തുന്നുണ്ട്.