സ​ൽ​മാ​ൻ ഖാ​ന് ജാ​മ്യം, ഇന്ന് ജയില്‍ മോചിതനാകും; അപ്പീല്‍ നല്‍കുമെന്ന് ബിഷ്ണോയ് സമുദായം

കൃ​ഷ്ണ​മൃ​ഗ​ങ്ങ​ളെ വേ​ട്ട​യാ​ടി കൊ​ന്ന കേ​സി​ൽ അഞ്ച് വർഷത്തെ തടവ് ലഭിച്ച ബോ​ളി​വു​ഡ് ന​ട​ൻ സ​ൽ​മാ​ൻ ഖാ​ന് ജാ​മ്യം. ജോ​ധ്പൂ​ര്‍ സെ​ഷ​ന്‍​സ് കോ​ട​തി​യാ​ണ് ജാ​മ്യം അ​നു​വ​ദി​ച്ച​ത്.

50,000 രൂ​പ​യു​ടെ ബോ​ണ്ടി​ലാ​ണ്ട് ജാ​മ്യം. ഇത് കൂടാതെ 25,​000 രൂപയുടെ രണ്ട് ആൾജാമ്യവും നൽകണം. അനുമതി ഇല്ലാതെ രാജ്യം വിടരുതെന്നും കോടതിയുടെ നിര്‍ദേശമുണ്ട്.

ശിക്ഷാവിധി അവിശ്വസനീയം, തനിക്ക് ഭീഷണിയുണ്ട് തുടങ്ങിയ കാര്യങ്ങളാണ് സല്‍മാന്‍ കോടതിയിലുന്നയിച്ചത്. ഇത് പരിഗണിച്ച ജോധ്പൂര്‍ കോടതിയാണ് ജാമ്യം അനുവദിച്ചത്. ജാമ്യം ലഭിച്ചതിനാല്‍ സല്‍മാന്‍ ഇന്ന് ജയില്‍ മോചിതനാകും.  വൈകിട്ട് ഏഴുമണിയോടെ താരം പുറത്തെത്തും. കോടതി ജാമ്യം അനുവദിച്ചതോടെ താരത്തിന്റെ ആരാധകര്‍ ആഹ്ലാദത്തിലാണ്.

അതേസമയം, അപ്പീല്‍ നല്‍കുമെന്ന് ബിഷ്ണോയ് സമുദായം അറിയിച്ചു. ഇന്നലെ വാദം പൂർത്തിയാക്കിയ കോടതി കേസ് വിധി പറയുന്നതിനായി ഇന്നത്തേക്ക് മാറ്റുകയായിരുന്നു. പതിനഞ്ചാമത്തെ കേസായാണ് സൽമാന്റെ ജാമ്യാപേക്ഷ കോടതി പരിഗണിച്ചത്.