ഓണ്‍ലൈന്‍ ആയി ട്രയിന്‍ ടിക്കറ്റ് ബുക്ക് ചെയ്യാം; സര്‍വ്വീസ് ചാര്‍ജ് ഇല്ലാതെ

ഓണ്‍ലൈന്‍ ട്രയിന്‍ ടിക്കറ്റിന് സര്‍വ്വീസ് ചാര്‍ജ് ഇല്ല

തീവണ്ടി ടിക്കറ്റ് ബുക്ക് ചെയ്തിരുന്നപ്പോള്‍ ഇത്രയും കാലം കൊടുത്തിരുന്ന സര്‍വ്വീസ് ചാര്‍ജ് ഇനിമുതല്‍ കൊടുക്കണ്ട. ബുധനാഴ്ച മുതലാണ് സര്‍വ്വീസ് ചാര്‍ജ് ഇല്ലാതെ ഓണ്‍ലൈന്‍ ആയി ട്രയിന്‍ ടിക്കറ്റ് ബുക്ക് ചെയ്യാന്‍ കഴിയുക. രാജ്യത്ത് നോട്ട് അസാധുവാക്കിയതിനെ തുടര്‍ന്ന് പൊതുജനം പ്രതിസന്ധിയിലായ പശ്ചാത്തലത്തിലാണ് ഐ ആര്‍ സി ടി സിയുടെ പുതിയ നടപടി.

നവംബര്‍ 23 മുതല്‍ ഡിസംബര്‍ 31 വരെയാണ് സര്‍വ്വീസ് ചാര്‍ജ് ഇല്ലാതെ ഓണ്‍ലൈന്‍ ആയി ട്രയിന്‍ ടിക്കറ്റ് ബുക്ക് ചെയ്യാന്‍ കഴിയുക. റയില്‍വേ മന്ത്രാലയത്തിലെ മുതിര്‍ന്ന ഉദ്യോഗസ്ഥനാണ് ഇക്കാര്യം അറിയിച്ചത്. 

ഐ ആര്‍ സി ടി സി വെബ്‌സൈറ്റ് വഴി സ്ലീപ്പര്‍ ക്ലാസ് ടിക്കറ്റ് ബുക്ക് ചെയ്യുമ്പോള്‍ 20 രൂപയും എ സി ടിക്കറ്റ് ബുക്ക് ചെയ്യുമ്പോള്‍ 40 രൂപയുമായിരുന്നു സര്‍വ്വീസ് ചാര്‍ജ് ആയി ഈടാക്കിയിരുന്നത്.