രാജസ്ഥാൻ: രാജസ്ഥാനിൽ ബാല വിവാഹത്തിന് ഇരയായ പെൺകുട്ടി വിവാഹ മോചനത്തിനായി കോടതിയെ സമീപിച്ചു. ആറാം വയസിൽ വീട്ടുകാരുടെ നിർബന്ധത്തിന് വഴങ്ങി വിവാഹിതയായ പിന്റു ദേവിയാണ് വിവാഹ മോചനം ആവശ്യപ്പെട്ട് കോടതിയെ സമീപിച്ചത്.
തന്റേത് ബാല വിവാഹമായിരുന്നു എന്നും. ഭർത്താവിനോടൊപ്പം ജീവിക്കാൻ തനിക്ക് താല്പര്യമില്ലെന്നും പെൺകുട്ടി കോടതിയിൽ തുറന്ന് പറഞ്ഞു. വീട്ടുകാരുടെ നിർബന്ധത്തിന് വഴങ്ങി ആറാം വയസിൽ വിവാഹിതയാകാൻ താൻ നിർബന്ധിതയാവുകയായിരുന്നു എന്നും പെൺകുട്ടി കോടതിയിൽ വ്യക്തമാക്കി.
2006ലാണ് പിന്റു ദേവി വിവാഹിതയാകുന്നത്. ഭർത്താവിന്റെ വീട്ടിൽനിന്നും ശാരീരികവും മാനസികവുമായ പീഡനങ്ങൾക്ക് പെൺകുട്ടി ഇരയായിരുന്നു. അതേസമയം ഭർത്താവിന്റെ വീട്ടുകാർ ക്രിമിനൽ പശ്ചാത്തലം ഉള്ളവരാണ് എന്ന് കോടതി നിരീക്ഷിച്ചു. ഇവർക്ക് കോടതി നോട്ടീസ് അയച്ചിട്ടുണ്ട്. ഒരു എൻ ജി ഒയുടെ സഹായത്തോടെയാണ് പെൺകുട്ടി കോടതിയെ സമീപിച്ചത്.