ദളിത് പ്രശ്നം: പശുവിനെ കൊന്നത് സിംഹമെന്ന് ഗുജറാത്ത് സി ഐ ഡി, ഗോസംരക്ഷകർ പ്രശനങ്ങൾ സൃഷ്ടിക്കുന്നത് മനഃപൂർവ്വമെന്ന് പൊലീസ്

ദലിത്​ മർദനം: പ​ശുവിനെ കൊന്നത്​ സിംഹമെന്ന്​ ഗുജറാത്ത്​ സി ഐ ഡി

പശുവിനെ വധിച്ചതിന്റെ പേരിൽ ദളിത് യുവാക്കളെ കെട്ടിയിട്ട് മർദ്ദിച്ച സംഭവത്തിൽ പുതിയ വിവരങ്ങൾ പുറത്ത്. പശുവിനെ കൊന്നത് സിംഹമാണെന്ന ഗുജറാത്ത് സി ഐ ഡിയുടെ റിപ്പോർട്ടാണ് പുറത്തുവന്നിരിക്കുന്നത്. പശുവിനെ കൊന്നത് സിംഹമാണെന്നും ജഡം മാറ്റുന്നതിനിടെയാണ് പശുവിനെ കൊന്നുവെന്ന് ആരോപിച്ച് ഗോ സംരക്ഷകരെത്തി ദളിത് കുടുംബത്തെ ക്രൂരമായി മർദ്ദിക്കുകയായിരുന്നുവെന്നും റിപ്പോര്‍ട്ടില്‍ പറയുന്നു.

ജൂലൈ 11നായിരുന്നു സംഭവം നടന്നത്. ഈ സംഭവത്തിൽ ഗോസംരക്ഷകര്‍ മനപൂര്‍വം പ്രശ്നങ്ങള്‍ സൃഷ്ടിക്കുകയാണെന്ന് പൊലീസ് വ്യക്തമാക്കിയിരുന്നു. എന്നാല്‍ പശുവിനെ കൊന്ന് തോലുരിക്കുന്നുവെന്ന് ഗോ സംരക്ഷകരെ അറിയിച്ചത് ആരാണെന്ന കാര്യം ഇനിയും വ്യക്തമായിട്ടില്ല. കൂടുതൽ അന്വേഷണത്തിന് ശേഷമേ ഇക്കാര്യങ്ങളിൽ വ്യക്തത വരുത്താൻ സാധിക്കുകയുള്ളുവെന്നും സി ഐ ഡി വ്യക്തമാക്കുന്നു.