ഡല്‍ഹിയില്‍ സ്കൂൾ ബസ് ഡ്രൈവറെ വെടിവെച്ച് കൊന്ന് കുട്ടിയെ തട്ടിക്കൊണ്ടു പോയി

ഡ്രൈവറെ വെടിവെച്ചു കൊന്ന ശേഷം സ്കൂൾ ബസില്‍ നിന്നും ഒന്നാം ക്ലാസ് വിദ്യാർഥിയെ തട്ടിക്കൊണ്ടുപോയി. വടക്കൻ ഡൽഹിയിലെ ദിൽഷാദ് ഗാർഡനില്‍ ഇന്നും രാവിലെ എട്ടു മനിയോടെയാണ് സംഭവം. ബൈക്കിലെത്തിയ അജ്ഞാത സംഘമാണ് കുട്ടിയെ തട്ടിക്കൊണ്ടുപോയത്.

കുട്ടികളെ കയറ്റി സ്‌കൂളിലേക്ക് പോവുകയായിരുന്ന വാന്‍ ഷഹ്ദരയിലെ ഐബിഎച്ച്എസ് ആശുപത്രിക്ക് സമീപത്ത് വെച്ച് ആയുധധാരികളായ രണ്ടംഗ സംഘം തടഞ്ഞുനിര്‍ത്തുകയായിരു. കുട്ടിയെ തട്ടിക്കൊണ്ടു പോകുന്നത് തടയാന്‍ ശ്രമിച്ചതിനാണ് വാന്‍ ഡ്രൈവര്‍ക്ക് നേരെ അക്രമിസംഘം വെടിയുതിര്‍ത്തത്.

ഇരുപത്തിയഞ്ചോളം വദ്യാർഥികളാണ് ബസിലുണ്ടായിരുന്നത്. സംഭവത്തിന് പിന്നിലുള്ള കാരണം വ്യക്തമല്ല. സംഭവത്തില്‍ പൊലീസ് എഫ്‌ഐആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചു. കുട്ടിയെ കണ്ടെത്താനുള്ള ശ്രമങ്ങൾ വേഗത്തിലാണെന്ന് പൊലീസ് പറഞ്ഞു.