അനധികൃത കുടിയേറ്റക്കാരെ അമേരിക്ക തിരിച്ചയച്ചാല്‍ ഇന്ത്യ സ്വീകരിക്കുമെന്ന് പ്രധാനമന്ത്രി നരേന്ദ്ര മോദി

അനധികൃത കുടിയേറ്റക്കാരെ അമേരിക്ക തിരിച്ചയച്ചാല്‍ ഇന്ത്യ സ്വീകരിക്കുമെന്ന് പ്രധാനമന്ത്രി നരേന്ദ്ര മോദി. കൂടാതെ അനധികൃത കുടിയേറ്റം തടയാന്‍ നടപടി സ്വീകരിക്കുമെന്നും നരേന്ദ്രമോഡി പറഞ്ഞു. വൈറ്റ് ഹൗസില്‍ അമേരിക്കന്‍ പ്രസിഡന്റ് റൊണാള്‍ഡ് ട്രംപുമായി നടത്തിയ കൂടിക്കാഴ്ചയിലാണ് ഇക്കാര്യം പറഞ്ഞത്. ഒരു മണിക്കൂറോളം ഇരു നേതാക്കളും തമ്മിലുള്ള കൂടിക്കാഴ്ച നീണ്ടു.

കഴിഞ്ഞ നാല് വര്‍ഷം മോദി സൗഹാര്‍ദം സൂക്ഷിച്ചുവെന്നും മോദിയുമായി മികച്ച ബന്ധമാണുള്ളതെന്ന് ട്രംപ് പറഞ്ഞു. കുടിയേറ്റത്തില്‍ അനധികൃതമായി അമേരിക്കയിലേക്ക് ഇന്ത്യക്കാരെ എത്തിക്കുന്ന ഇടനിലക്കാര്‍ക്കെതിരെ നടപടി സ്വീകരിക്കാന്‍ മോദി ട്രംപിനോട് അഭ്യര്‍ത്ഥിച്ചു. 

അതേസമയം അമേരിക്കയ്ക്ക് ഇറക്കുമതി തിരുവ ചുമത്തുന്ന രാജ്യങ്ങള്‍ക്ക് പരസ്പരം നികുതി ചുമത്തുമെന്ന തീരുമാനത്തില്‍ ഇന്ത്യയ്ക്ക് ഇളവ് നല്‍കാന്‍ ട്രംപ് തയ്യാറായിട്ടില്ല. വ്യാപാരത്തില്‍ സഖ്യ രാജ്യങ്ങള്‍ ശത്രു രാജ്യങ്ങളെക്കാളും മോശമാണെന്ന് ട്രംപ് വ്യക്തമാക്കി. കൂടാതെ ഇന്ത്യയും അമേരിക്കയും തമ്മില്‍ മികച്ച വ്യാപാരബന്ധവും കരാറുകളും പ്രതീക്ഷിക്കുന്നുവെന്നും ട്രംപ് പറഞ്ഞു.