തീര്‍ത്ഥാടകര്‍ സഞ്ചരിച്ച വാന്‍ കൊക്കയിലേക്ക് മറിഞ്ഞ് വന്‍ അപകടം,ഏഴുപേര്‍ മരിച്ചു

ഉത്തരാഖണ്ഡിലെ ഉത്തരകാശി ജില്ലയില്‍ തീര്‍ത്ഥാടകര്‍ സഞ്ചരിച്ച വാന്‍ കൊക്കയിലേക്ക് മറിഞ്ഞ് വന്‍ അപകടം. അപകടത്തില്‍ ഏഴുപേര്‍ മരിച്ചു 27 പേര്‍ക്ക് പരിക്കേല്‍ക്കുകയും ചെയ്തു. രക്ഷാപ്രവര്‍ത്തനം പുരോഗമിക്കുകയാണ്.

ഗംഗോത്രി സന്ദര്‍ശിച്ച് മടങ്ങുന്നയാളുകള്‍ സഞ്ചരിച്ച വാനാണ് അപകടത്തില്‍പ്പെട്ടത്. 35 പേര്‍ അടങ്ങുന്ന വാഹനത്തില്‍ ഉണ്ടായിരുന്നു. ഗുജറാത്ത് സ്വദേശികളാണ് അപകടത്തില്‍ മരിച്ചത്. 

പരിക്കേറ്റവരെ ആശുപത്രിയില്‍ എത്തിക്കുന്നതിനായി ഹെലികോപ്റ്റര്‍ സൗകര്യം ഒരുക്കിയിട്ടുണ്ട്. രക്ഷാപ്രവര്‍ത്തനം വേഗത്തില്‍ ആക്കാനും ആവശ്യമായ സ്വീകരിക്കാനും മുഖ്യമന്ത്രി പുഷ്‌കര്‍ സിങ് ധാമി ഉദ്യോ?ഗസ്ഥര്‍ക്ക് നിര്‍ദേശം നല്‍കി. എസ്ഡിആര്‍എഫ്, എന്‍ഡിആര്‍എഫ് അംഗങ്ങള്‍ സംഭവം സ്ഥലത്തുണ്ട്. ഉത്തരാഖണ്ഡില്‍ പലയിടങ്ങളിലും മണ്ണിടിച്ചിലും മഴയും തുടരുകയാണ്.