ഉഷ്ണതരംഗ റെഡ് അലര്‍ട്ട്: കര്‍ണാടകയിലെ ആറുജില്ലകളിലെ താപനില 46 ഡിഗ്രി സെല്‍ഷ്യസ് കടക്കും

ഉഷ്ണതരംഗത്തില്‍ കര്‍ണാടകയിലെ ആറുജില്ലകളിലെ താപനില 46 ഡിഗ്രി സെല്‍ഷ്യസ് കടക്കുമെന്ന് മുന്നറിയിപ്പ്. ബഗല്‍കോട്ടെ, ബെലാഗാവി, ധാര്‍വാട്, ഗഡഗ്, ഹാവേരി, കോപ്പാല്‍ ജില്ലകളിലാണ് മുന്നറിയിപ്പുള്ളത്. ഇവിടങ്ങളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. ഇവിടെങ്ങളിലെ നിലവിലെ താപനില 40-46 ഡിഗ്രി സെല്‍ഷ്യസാണ്. മെയ് ഒന്‍പതുവരെ താപനില ഉയര്‍ന്നുനില്‍ക്കുമെന്നാണ് അറിയിപ്പുള്ളത്. 

അതേസമയം കഴിഞ്ഞ ഏഴുവര്‍ഷത്തിനിടയിലെ ഏറ്റവും കൂടിയ താപനില ഏപ്രില്‍ 30ന് കര്‍ണാടകയില്‍ റിപ്പോര്‍ട്ട് ചെയ്തു. 45.6 ഡിഗ്രി സെല്‍ഷ്യസാണ് റിപ്പോര്‍ട്ട് ചെയ്ത താപനില. മെയ് ഏഴോടെ താപനിലയില്‍ 2-3 ഡിഗ്രി സെല്‍ഷ്യസിന്റെ കുറവുണ്ടാകുമെന്നാണ് കണക്കാക്കുന്നത്.