നടി കങ്കണ റണാവത്തിൻ്റെ രാഷ്ട്രീയപ്രവേശനത്തെ പറ്റിയുള്ള വാർത്തകളെ പരിഹസിച്ച് ബിജെപി എം പി ഹേമമാലിനി. ഉത്തർപ്രദേശിലെ മധുരയിൽ കങ്കണമത്സരിക്കുമോ എന്ന ചോദ്യത്തിനാണ് പരിഹാസം കലർത്തിയുള്ള ഹേമമാലിനിയുടെ മറുപടി. നിലവിലെ മഥുര നിയോജകമണ്ഡലത്തിലെ എം പിയാണ് ഹേമ.
ഞാൻ എന്താണ് പറയേണ്ടത്. അതിനെക്കുറിച്ചുള്ള എന്റെ കാഴ്ചപ്പാട് എന്താണ് അതെല്ലാം ദൈവത്തിൻ്റെ കയ്യിലാണ്. ഈ നാട്ടുകാരനെ എം പിയായി പരിഗണിക്കാൻ സമ്മതിക്കില്ലെന്നാണോ നിങ്ങൾ പറയുന്നത്. നിങ്ങൾക്ക് സിനിമാതാരങ്ങളെയാണോ വേണ്ടത്. എന്നാൽ നാളെ രാഖി സാവന്തിൻ്റെ പേരും സ്ഥാനാർഥിത്വത്തിനായി ഉയർന്നുവന്നേക്കാം. ഹേമമാലിനി പറഞ്ഞു.
73കാരിയായ ഹേമമാലിനി 2014 മുതൽ യുപിയിലെ മഥുരയിൽ നിന്നുള്ള എം പിയാണ്.