കാര്യം നിസാരം; യുവാവ് ഭാര്യയെ വെട്ടിക്കൊന്നു - കൊല നടത്തിയത് നാടകീയമായി
നടു റോഡില്‍വച്ച് യുവാവ് ഭാര്യയെ വെട്ടിക്കൊലപ്പെടുത്തി
നടു റോഡില്‍ വെച്ച് യുവാവ് ഭാര്യയെ വെട്ടിക്കൊലപ്പെടുത്തി. കുടുംബ കലഹത്തെ തുടർന്ന് ഗീത ദുബി എന്ന (28) യുവതിയെ ഇവരുടെ ഭർത്താവ് പ്രസാദ് രാവത്ത് (30) പരസ്യമായി കുത്തിക്കൊലപ്പെടുത്തുകയായിരുന്നു.
തിങ്കളാഴ്‌ച രാത്രി മുംബൈ ഗൊരേഗാവിലായിരുന്നു സംഭവം. അമ്മയുടെ വീട്ടിലേക്ക് പോകുന്നതിനായി ഗീത ഓട്ടോയിലേക്ക് കയറാന്‍ തുടങ്ങവെ പ്രസാദ് ആക്രമിക്കുകയും ഇവരുടെ നെഞ്ചിൽ കഠാരകുത്തിയിറക്കുകയുമായിരുന്നു.
ഓട്ടോറിക്ഷ ഡ്രൈവർ ഗീതയെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. സംഭവുമായി ബന്ധപ്പെട്ട് രാവത്തിനെ പൊലീസ് അറസ്‌റ്റ് ചെയ്‌തു. ഗീതയും പ്രസാദും തമ്മില്‍ വഴക്ക് പതിവായിരുന്നുവെന്നാണ് റിപ്പോര്‍ട്ട്. ഇവര്‍ക്ക് ഒന്നും രണ്ടും വയസ് പ്രായമുള്ള രണ്ടു പെൺമക്കളുണ്ട്.
