ചിലരുടെ വിചാരം ഇത് കളിച്ചില്ലെങ്കിലും ശമ്പളം കിട്ടുന്ന സര്‍ക്കാര്‍ ജോലിയെന്നാണ്: ചെന്നൈക്കെതിരെ വിമര്‍ശനവുമായി സെവാഗ്

ഐപിഎല്ലില്‍ ചെന്നൈ സൂപ്പര്‍ കിങ്‌സിനെതിരെ ശക്തമായ വിമര്‍ശനം നടത്തിയിരിക്കുകയാണ് മുന്‍ ഇന്ത്യന്‍ ഓപ്പണര്‍ വിരേന്ദര്‍ സെവാഗ്. ചില ബാറ്റ്‌സ്മാന്‍മാരുടെ വിചാരം ഇത് കളിച്ചില്ലെങ്കിലും ശമ്പളം കിട്ടുന്ന സര്‍ക്കാര്‍ ജോലിയെന്നാണെന്നായിരുന്നു സെവാഗ് പറഞ്ഞത്. ചെന്നൈക്ക് ഗ്ലൂക്കോസ് കൊടുക്കണമെന്ന് നേരത്തേ സെവാഗ് പറഞ്ഞിരുന്നു. 

കൊല്‍ക്കത്തയെ ജയിപ്പിക്കുവാന്‍വേണ്ടിയാണ് കേദാര്‍ ജാദവ് കളിച്ചതെന്നും അദ്ദേഹം തന്നെയാണ് കളിയിലെ മാന്‍ ഓഫ് ദ മാച്ച് എന്നും സെവാഗ് പരിഹസിച്ചു. ക്രിക്ബസിനോട് പ്രതികരിക്കുകയായിരുന്നു സെവാഗ്. ഇത് ചേസ് ചെയ്യാവുന്ന സ്‌കോര്‍ ആയിരുന്നുവെന്നും എന്നാല്‍ ചെന്നൈ പന്തുകള്‍ പാഴാക്കുകയായിരുന്നുവെന്നും സെവാഗ് വ്യക്തമാക്കി.