ചെറുപ്പക്കാന്നായ ഒരു മുസ്ലീം നേതാവിന് ഇന്ത്യൻ പ്രധാനമന്ത്രിയാകണമെന്ന് ആഗ്രഹിക്കാൻ പോലും ബുദ്ധിമുട്ടേറിയ സാഹചര്യമാണ് നിലവിലുള്ളതെന്ന് കോൺഗ്രസ് നേതാവ് ഗുലാം നബി ആസാദ്. സമീപഭാവിയിലൊന്നും തന്നെ അതിനുള്ള സാധ്യതയുണ്ടെന്ന് തോന്നുന്നില്ലെന്നും ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തില്‍ ഗുലാം നബി ആസാദ് പറഞ്ഞു.
രാജ്യസഭയില്‍ നടത്തിയ വിടവാങ്ങല്‍ പ്രസംഗത്തില്‍ പാകിസ്താനിലേക്ക് പോകാത്ത ഭാഗ്യവാന്മാരില്‍ ഒരാളാണ് താനെന്നും ഹിന്ദുസ്ഥാനി മുസ്ലീം ആയതിനാൽ അഭിമാനിക്കുന്നുവെന്നും ഗുലാം നബി ആസാദ് പറഞ്ഞിരുന്നു.