ഇപിയോട് മാത്രമല്ല, കേരളത്തില്‍ നിന്നുളള എല്ലാ കോണ്‍ഗ്രസ് എംപിമാരുമായും ചര്‍ച്ച നടത്തിയിരുന്നതായി ബിജെപി അഖിലേന്ത്യ നേതാവ് പ്രകാശ് ജാവദേക്കര്‍. ഇപി ജയരാജനുമായി ചര്‍ച്ച നടന്നിട്ടുണ്ടെന്ന വിവാദങ്ങള്‍ക്ക് മറുപടി പറയുകയായിരുന്നു അദ്ദേഹം. കോണ്‍ഗ്രസ് മാത്രമല്ല സിപിഎം, സിപിഐ നേതാക്കളുമായും കൂടിക്കാഴ്ച്ച നടത്തിയിരുന്നുവെന്നും ഇ പി ജയരാജനുമായുളള കൂടിക്കാഴ്ചയുമായി ബന്ധപ്പെട്ട് കൂടുതല്‍ പ്രതികരണത്തിനില്ലെന്നും അദ്ദേഹം വ്യക്തമാക്കി.
ദല്ലാള്‍ നന്ദകുമാറിന്റെ വെളിപ്പെടുത്തലിന് പിന്നാലെ ഇപിയെ പിണറായി വിജയന്‍ കുറ്റപ്പെടുത്തിയിരുന്നു. ഇപി ജയരാജന്‍ കൂട്ടുകെട്ടില്‍ പൊതുവേ ജാഗ്രതക്കുറവ് കാണിക്കുന്നയാളാണെന്നായിരുന്നു പിണറായി പറഞ്ഞത്.