ബാച്ചിലര്‍ പാര്‍ട്ടി ആഘോഷം കഴിഞ്ഞ് മടങ്ങിയ യുവാവിന് ദാരുണാന്ത്യം

ബാച്ചിലര്‍ പാര്‍ട്ടി ആഘോഷിച്ച് സുഹൃത്തുക്കള്‍ക്കൊപ്പം മടങ്ങുകയായിരുന്ന യുവാവ് കാറപകടത്തില്‍ മരിച്ചു.

ബാച്ചിലര്‍ പാര്‍ട്ടി ആഘോഷിച്ച് സുഹൃത്തുക്കള്‍ക്കൊപ്പം മടങ്ങുകയായിരുന്ന യുവാവ് കാറപകടത്തില്‍ മരിച്ചു. ഇന്ന് രാവിലെ അഞ്ചരയോടെയായിരുന്നു അപകടം നടന്നത്. ഡല്‍ഹി സ്വദേശി അഭിജിത്ത് സിംഗ് (24) ആണ് മരിച്ചത്.

ലജ്പത് നഗറില്‍ നിന്നും ആസാദ്പൂരിലെ വീട്ടിലേക്കുളള വഴിമധ്യേയാണ് അപകടമുണ്ടായത്. അഭിജിത്ത് സഞ്ചരിച്ച കാര്‍ ഫ്‌ളൈഓവറില്‍  നിന്നും താഴേക്ക് പതിക്കുകയായിരുന്നു. അദ്ദേഹം മദ്യപിച്ചിരുന്നോ എന്ന് പോസ്റ്റുമോര്‍ട്ടത്തിന് ശേഷമേ വ്യക്തമാവൂ എന്ന് പൊലീസ് അറിയിച്ചു.