ഫേസ്ബുക്ക് ലോകം ഞെട്ടിത്തരിച്ചു; ഇതെന്ത് കഥ? ഇതെന്ത് ലോകം?

ഫേസ്ബുക്കും പറഞ്ഞു - 'കടുംകൈ എന്നു പറയുമെങ്കിലും ഇതു അൽപ്പം കൂടിപ്പോയില്ലേ'?

എന്തും നിമിഷനേരം കൊണ്ട് കൈവെള്ളയിൽ എത്തുന്ന ഡിജിറ്റൽ യുഗമാണ് ഇപ്പോൾ. ഫേസ്ബുക്കും വാട്സാപ്പുമൊക്കെയായി യുവതീയുവാക്കൾ ഏതുനേരവും സോഷ്യൽ മീഡിയയിൽ സജീവമാണ്. ഫേസ്ബുക്ക് നോക്കുമ്പോൾ പെട്ടന്ന് ലൈവായിട്ട് അതിൽ ഒരു മരണം കാണാൻ ഇടയായാൽ എന്താണ് അവസ്ഥ?. അത്തരമൊരു സംഭവം നടന്നിരി‌ക്കുകയാണ് തായ്‌ലൻഡിൽ.

മകളെ കൊലപ്പെടുത്തിയശേഷം 21കാരനായ പിതാവ് ആത്മഹത്യ ചെയ്യുന്നത് ഫേസ്ബുക്ക് ലൈവിലൂടെ പുറത്തുവിട്ടു. തിങ്കളാഴ്ചയായിരുന്നു സംഭവം. തായ്‌ലൻഡുകാരനായ വുട്ടിസാൻ വോങ്തലായ് ആണ് ഫേസ്ബുക്ക് ലോകത്തെ നടുക്കിയ വിഡിയോ തത്സമയം കാണിച്ചത്. വീഡിയോ കാണാനിടയായ ബന്ധു പൊലീസിനെ വിവരമറിയിച്ചെങ്കിലും പൊലീസ് എത്തിയപ്പോഴേക്കും ഇരുവരും മരിച്ചിരുന്നു. 

ഭാര്യയുമായി വഴക്കിട്ട് പോയ യുവാവ് ഫുക്കേതിലെ ഒറ്റപ്പെട്ട സ്ഥലത്തെ ലോഡ്ജിൽ മുറിയെടുത്തായിരുന്നു ഈ കടുംകൈ ചെയ്തത്. 11 മാസം പ്രായമുള്ള മകളെയാണ് യുവാവ് കൊലപ്പെടുത്തിയത്. കുഞ്ഞിനെ കൊലപ്പെടുത്തുന്ന ദൃശ്യം മാത്രമാണ് ഫേസ്ബുക്കിൽ കാണിച്ചതെന്നും യുവാവിന്റെ ആത്മഹത്യ ഫേസ്ബുക്കിൽ കാണിച്ചിട്ടില്ലെന്നും ‘ദ നേഷൻ’ എന്ന തായ്ലൻഡ് വെബ്സൈറ്റ് വെളിപ്പെടുത്തി.

സംഭവം നടുക്കമുണ്ടാക്കുന്നതാണെന്നും കുടുംബത്തെ അനുശോചനമറിയിക്കുന്നതായും ഫേസ്ബുക്ക് കമ്പനി പറഞ്ഞു. തായ്‌ലൻഡ് പൊലീസ് സംഭവം ഫേസ്ബുക്കിൽ അറിയിച്ചത് ചൊവ്വാഴ്ച ഉച്ചയോടെയാണ്. അതിനുശേഷമാണ് വിഡിയോ നീക്കംചെയ്തത്.