ടിക്‌ടോക്കിൽ ശ്രദ്ധിക്കപ്പെട്ടില്ല, 18 കാരൻ ആതമഹത്യ ചെയ്തു

ടിക്‌ടോക്കിൽ ശ്രദ്ധിയ്ക്കപ്പെടാത്തതിന്റെ നിരാശയിൽ 18 കാരൻ ആത്മഹത്യ ചെയ്തു ഉത്തർപ്രദേശിലെ നോയിഡ സ്വദേശിയാണ് ഏപ്രിൽ 16ന് മുറിയ്ക്കുള്ളിൽ തൂങ്ങി മരിച്ചത്. ടിക്ടോക്കിൽ ചെയ്യുന്ന വീഡിയോകൾ ശ്രദ്ധിക്കപ്പെടാത്തതിനെ തുടർന്ന് 18 കാരൻ കടുത്ത മാനസിക സമ്മർദ്ദത്തിലായിരുന്നു എന്നാണ് റിപ്പോർട്ടുകൾ.

കഴിഞ്ഞ കുറച്ചുകാലങ്ങളായി 18 കാരൻ ടിക്ടോക്കിൽ സജീവമായിരുന്നു. എന്നാൽ വീഡിയോകൾക്ക് പ്രതീക്ഷിച്ച സ്വീകാര്യത ലഭിയ്ക്കാത്തത് കൗമാരക്കാരനെ വല്ലാതെ അലട്ടിയിരുന്നു. 'ടിക്ടോക്കിൽ ലൈക്ക് ലഭിയ്ക്കാത്തതിലുള്ള സങ്കടം ഇയാൾ ബന്ധുക്കളോടും അയൽ‌വാസികളോടും പറഞ്ഞിരുന്നു. 18 കാരൻ കടുത്ത ഡിപ്രഷനിലായിരുന്നു' നോഡിയ അഡിഷനൽ ഡെപ്യൂട്ടി കമ്മിഷണർ രൺവിജയ് സിങ് പറഞ്ഞു. ആത്മത്യ കുറിപ്പ് ലഭിച്ചിട്ടില്ല എന്നും സംഭവത്തിൽ കൂടുതൽ അന്വേഷണം നടത്തും എന്നും പൊലീസ് വ്യക്തമാക്കി.