അതിർത്തിയിലെ രാജോരി സെക്​ടറില്‍ വീണ്ടും പാക്​ വെടിവെപ്പ്​; ഒരു സൈനികൻ കൊല്ലപ്പെട്ടു

അതിർത്തിയിലെ പാക്​ വെടിവെപ്പില്‍ സൈനികൻ കൊല്ലപ്പെട്ടു

ജമ്മു-കശ്​മീര്‍ അതിർത്തിയിലെ രാജോരി സെക്​ടറിലുണ്ടായ വെടിവെപ്പിൽ സൈനികൻ കൊല്ലപ്പെട്ടു. നിയന്ത്രണ രേഖയിൽ മാൻകോട്ട്​, ബാൽകോട്ട്​ എന്നീ മേഖലകളിലും പാക്​ വെടിവെപ്പും ഷെല്ലാക്രമണവും ഉണ്ടായിട്ടുണ്ട്. കൂടാതെ പൂഞ്ചിലെ മെന്താം സെക്​ടറിൽ സൈനിക പോസ്​റ്റുകൾക്കും ജനവാസ പ്രദേശങ്ങൾക്കും നേരെ​ വെടിവെപ്പും ഷെല്ലാക്രമണവും ഉണ്ടായതായി റിപ്പോർട്ടുകളുണ്ട്.​  

ഇന്ന് പുലർച്ചെയാണ് പാക്​ സൈനികർ പ്രകോപനപരമായി വെടിയുതിർത്തത്. അതിർത്തിയിൽ പാക്​ സൈന്യം​ തുടർച്ചയായി വെടിനിർത്തൽ കരാർ ലംഘിച്ചുകൊണ്ടിരിക്കയാണ്​. സാംബ, കത്വവ, രജോരി, മെന്ദാർ മേഖലകളിൽ ബി.എസ്​.എഫ്​ ശക്തമായി തിരിച്ചടിക്കുന്നുണ്ട്​. ബി എസ് എഫ്​ പോസ്​റ്റുകൾക്കും ജനവാസ പ്രദേശങ്ങൾക്കു നേരെയുമാണ് ഒരാഴ്​ചയായി പാക് വെടിവെപ്പും ഷെല്ലാക്രമണവും തുടരുന്നത്.