ബെംഗളൂരു കലാപം: കർണാടകയിൽ പോപ്പുലർ ഫ്രണ്ടിനെയും എസ്‌ഡി‌പിഐയെയും നിരോധിച്ചേക്കും

ബെംഗളൂരു കലാപത്തിന്റെ പശ്ചാത്തലത്തിൽ കർണാടകയിൽ പോപ്പുലർ ഫ്രണ്ടിനെയും എസ്‌ഡി‌പിഐയെയും നിരോധിച്ചേക്കുമെന്ന് റിപ്പോർട്ട്. ഓഗസ്റ്റ് 20ന് ചേരുന്ന മന്ത്രിസഭായോഗത്തിൽ ഇത് സംബന്ധിച്ച തീരുമാനം ഉണ്ടായേക്കും.

ഓഗസ്റ്റ് 11ന്ന് നടന്ന ബെംഗളൂരു കലാപത്തിൽ എസ്ഡിപിഐ പ്രവര്‍ത്തകരായ നിരവധി ആളുകള്‍ അറസ്റ്റിലായിരുന്നു. കലാപത്തിന് പ്രേരിപ്പിച്ചതിനാണ് അറസ്റ്റ് ഉണ്ടായത്. രണ്ട് സംഘടനയേയും നിരോധിക്കുന്നതിന് സർക്കാരിന് മേൽ വിവിധ മേഖലകളിൽ നിന്നും സമ്മർദ്ദമുണ്ടെന്നും സംസ്ഥാന പഞ്ചായത്ത് രാജ്- ഗ്രാമവികസന വകുപ്പ് മന്ത്രി കെ.എസ്. ഈശ്വരപ്പ വ്യക്തമാക്കി.