കനത്ത മൂടല്‍ മഞ്ഞ്: നാലുസംസ്ഥാനങ്ങളില്‍ റെഡ് അലര്‍ട്ട് പ്രഖ്യാപിച്ചു

കനത്ത മൂടല്‍ മഞ്ഞിനെ തുടര്‍ന്ന് നാലുസംസ്ഥാനങ്ങളില്‍ റെഡ് അലര്‍ട്ട് പ്രഖ്യാപിച്ചു. ഡല്‍ഹി, പഞ്ചാബ്, ഹരിയാന, ചണ്ഡീഗഡ് എന്നിവിടങ്ങളിലാണ് റെഡ് അലര്‍ട്ട് പ്രഖ്യാപിച്ചത്. മൂടല്‍ മഞ്ഞ്കാരണം നൂറിലധികം വിമാനങ്ങള്‍ വൈകുകയാണ്. 

അതേസമയം വരുന്ന രണ്ടുദിവസം ഡല്‍ഹിയില്‍ വായുഗുണനിലവാരം മോശമാകാന്‍ സാധ്യതയുണ്ടെന്ന് റിപ്പോര്‍ട്ടുണ്ട്. ഇപ്പോള്‍ ഡല്‍ഹിയുടെ വായു ഗുണനിലവാരത്തില്‍ ചെറിയപുരോഗതിയുണ്ട്. 356ലാണ് ഇപ്പോള്‍ എത്തിനില്‍ക്കുന്നത്.