കോൺഗ്രസ് നേതാവ് സച്ചിൻ പൈലറ്റുമായി ബന്ധപ്പെട്ടെന്ന ബിജെപി വാദത്തെ പൊളിച്ച് സച്ചിൻ പൈലറ്റ്. തന്നോട് സംസാരിക്കാനുള്ള ധൈര്യം ബിജെപിക്കില്ലെന്നും സച്ചിൻ തുറന്നടിച്ചു.
ഞാനുമായി സംസാരിച്ചെന്ന അവകാശവാദങ്ങൾ കേട്ടിരുന്നു. റിത ബഹുഗുണ ജോഷിയാണല്ലോ സച്ചിനുമായി സംസാരിച്ചെന്ന് പറഞ്ഞത്. അവർ ചിലപ്പോൾ സച്ചിൻ ടെൻഡുൽക്കറുമായി സംസാരിച്ചിരിക്കും. എന്നോട് സംസാരിക്കാനുള്ള ധൈര്യം അവർക്കില്ല. സച്ചിൻ പറഞ്ഞു.
കോൺഗ്രസ് വിട്ട് ബിജെപിയിൽ ചേരുമെന്നുമുള്ള റിത ബഹുഗുണ ജോഷിയുടെ പരാമർശത്തോട് പ്രതികരിക്കുകയായിരുന്നു സച്ചിൻ. കോൺഗ്രസ് നേതാവായ ജിതിൻ പ്രസാദ ബിജെപിയിൽ ചേർന്നതിന് പിന്നാലെയാണ് സച്ചിൻ പൈലറ്റും കോൺഗ്രസ് വിടുമെന്ന അഭ്യൂഹങ്ങൾ ശക്തമായത്.