നവീന്റെ മരണത്തിന് ഉത്തരവാദി റഷ്യയാണെന്ന് ഇന്ത്യയിലെ യുക്രൈന്‍ അംബാസഡര്‍

നവീന്റെ മരണത്തിന് ഉത്തരവാദി റഷ്യയാണെന്ന് ഇന്ത്യയിലെ യുക്രൈന്‍ അംബാസഡര്‍. ഇതിന് റഷ്യ ഇന്ത്യയോട് മറുപടി പറയണമെന്നും നഷ്ടപരിഹാരം നല്‍കണമെന്നും അദ്ദേഹം പറഞ്ഞു. കൂടാതെ യുദ്ധം അവസാനിപ്പിക്കാന്‍ ഇന്ത്യന്‍ പ്രധാനമന്ത്രി നരേന്ദ്ര മോദി ഇടപെടണമെന്നും അദ്ദേഹം ആവശ്യപ്പെട്ടു. ഇന്ത്യയില്‍ നിന്ന് കൂടുതല്‍ സഹായം യുക്രൈന് നല്‍കണമെന്നും ഇന്ത്യന്‍ വിദ്യാര്‍ത്ഥികള്‍ അതിര്‍ത്തി കടക്കുന്നതിന് താന്‍ വ്യക്തിപരമായി സഹായിക്കുമെന്നും അദ്ദേഹം അറിയിച്ചു. 

അതേസമയം യുദ്ധം അവസാനിപ്പിക്കാന്‍ ചൈനയുടെ ഇടപെടല്‍ തേടിയിരിക്കുകയാണ് യുക്രൈന്‍. യുദ്ധം അവസാനിപ്പിക്കാന്‍ ചൈനയുടെ നയതന്ത്ര ബന്ധം ഉപയോഗിക്കണമെന്നാണ് യുക്രൈന്‍ ആവശ്യപ്പെട്ടിരിക്കുന്നത്. അതേസമയം യുക്രൈന്‍ നഗരങ്ങളില്‍ നിന്ന് ജനങ്ങളെ ഒഴിപ്പിക്കാനുള്ള മുന്നറിയിപ്പ് നല്‍കിയിരിക്കുകയാണ് റഷ്യ. മരിയോ പോളില്‍ ഉള്ളവര്‍ ഇന്നത്തോടെ നഗരം വിടണമെന്ന മുന്നറിയിപ്പും നല്‍കിയിട്ടുണ്ട്.