ബിജെപിയില്‍ ആശയക്കുഴപ്പം; മെട്രോമാനെ ബിജെപിയുടെ മുഖ്യമന്ത്രി സ്ഥാനാര്‍ത്ഥിയായി പ്രഖ്യാപിച്ചിട്ടില്ലെന്ന് വി മുരളീധരന്‍

മെട്രോമാന്‍ ബിജെപിയുടെ മുഖ്യമന്ത്രി സ്ഥാനാര്‍ത്ഥിയല്ലെന്ന് കേന്ദ്രമന്ത്രി വി മുരളീധരന്‍. മുഖ്യമന്ത്രി സ്ഥാനാര്‍ത്ഥിയെ ഇതുവരെ സ്ഥിരീകരിച്ചിട്ടില്ലെന്നാണ് വി മുരളീധരന്‍ പറഞ്ഞത്. ആദ്യം മുഖ്യമന്ത്രി സ്ഥാനാര്‍ത്ഥിയുടെ കാര്യത്തില്‍ എല്ലാവരും തീരുമാനം എടുത്തതായിരുന്നു. എന്നാല്‍ വൈകുന്നേരം വി മുരളീധരന്‍ മലക്കം മറിഞ്ഞു.

ആശയക്കുഴപ്പം ഇ ശ്രീധരന് അസ്വസ്ഥത ഉണ്ടാക്കിയേക്കാം. സംസ്ഥാന അധ്യക്ഷന്‍ കെ സുരേന്ദ്രന്‍ വിജയ യാത്രക്കിടെ തിരുവല്ലയില്‍ വച്ചാണ് മുഖ്യമന്ത്രി സ്ഥാനാര്‍ത്ഥിയെ പ്രഖ്യാപിച്ചത്. പ്രഖ്യാപനത്തിനു മുന്‍പ് കെ സുരേന്ദ്രന്‍ നേതാക്കളുമായി സംസാരിച്ചിരുന്നു.