ഉപരാഷ്ട്രപതി വെങ്കയ്യ നായിഡുവിന് കൊവിഡ് സ്ഥിരീകരിച്ചു

ഉപരാഷ്ട്രപതി വെങ്കയ്യ നായിഡുവിന് കൊവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. തനിക്ക് രോഗലക്ഷണങ്ങള്‍ ഇല്ലെന്നും ആരോഗ്യം തൃപ്തികരമാണെന്നും അദ്ദേഹം അറിയിച്ചു. 

ഇന്നലെ നടത്തിയ പതിവ് പരിശോധനയിലാണ് ഉപരാഷ്ട്രപതിക്ക് കൊവിഡ് സ്ഥിരീകരിക്കുന്നത്. രോഗലക്ഷണങ്ങള്‍ ഇല്ലാത്തതിനാല്‍ വസതിയില്‍ ക്വാറന്റൈനിലാണ് അദ്ദേഹം. എന്നാല്‍ അദ്ദേഹത്തിന്റെ ഭാര്യക്ക് കൊവിഡ് ഫലം നെഗറ്റീവാണ്.