ജോലിക്ക് പോവാതെ ഗെയിം കളി, ഭാര്യ വഴക്കുപറഞ്ഞതിന് യുവാവ് ആത്മഹത്യ ചെയ്‌തു

ഭാര്യ വഴക്കു പറഞ്ഞതിനെ തുടർന്ന് യുവാവ് തൂങ്ങി മരിച്ചു. ചെന്നൈ നാമക്കല്ലിലാണ് സംഭവം. ജോലിക്ക് പോവാതെ മൊബൈൽ ഫോണിൽ ഗെയിം കളിച്ചിരിക്കുന്നതിൽ വഴക്ക് പറഞ്ഞതിനെ തുടർന്നാണ് നാമക്കൽ സ്വദേശിയായ ശക്തിവേൽ(30) ആത്മഹത്യ ചെയ്‌തത്.

ഫ്രീഫയർ എന്ന ഗെയിം സ്ഥിരമായി കളിക്കുന്നതിന്റെ പേരിൽ ഇയാളും ഭാര്യ വിനോദിനിയും തമ്മിൽ വഴക്ക് പതിവായിരുന്നു. കഴിഞ്ഞദിവസം രാവിലെ മുതൽ ഗെയിമിൽ മുഴുകിയിരിക്കവെയാണ് വിനോദിനി ദേഷ്യപ്പെട്ടത്. തുടർന്ന് ഇരുവരും തമ്മിൽ വാക്കേറ്റമുണ്ടായി. ഇതിന് പിന്നാലെയാണ് ശക്തിവേൽ ആത്മഹത്യ ചെയ്‌തത്. സംഭവത്തിൽ പോലീസ് അന്വേഷണം ആരംഭിച്ചു.