ട്രെയിനിൽ യുവതിയെ ബലാത്സംഗം ചെയ്ത പോലീസുകാരന് സ്റ്റേഷനിൽ വി ഐ പി പരിഗണന

മുസ്ലിം യുവതിയെ പീഡിപ്പിച്ച പോലീസുകാരന് വി ഐ പി പരിഗണന; ഞെട്ടിപ്പിക്കുന്ന ദൃശ്യങ്ങൾ പുറത്ത്

ട്രെയിനിൽ വെച്ച് മുസ്ലിം യുവതിയെ പീഡിപ്പിച്ച പോലീസുകാരനെ പോലീസ് സ്റ്റേഷനിൽ ലഭിക്കുന്നത് വി ഐ പി ട്രീറ്റ്മെന്റ് ആണെന്ന് റിപ്പോർട്ടുകൾ. യുവതിയെ ബലാത്സംഗം ചെയ്ത ഗവണ്‍മെന്റ് റെയില്‍വേ പൊലീസ് കോണ്‍സ്റ്റബിളായ കമാല്‍ ശുക്ല (24)യ്ക്ക് സ്‌റ്റേഷനില്‍ വിഐപി പരിഗണന നല്‍കുന്നതിന്റെ ദൃശ്യങ്ങള്‍ ജനതാ കാ റിപ്പോര്‍ട്ടറാണ് പുറത്തുവിട്ടത്.

ലക്‌നൗയില്‍ നിന്നും തിങ്കളാഴ്ച രാത്രി ട്രെയിന്‍ മാറി കയറിപ്പോയ യുവതിയെ കമ്പാർട്ട്മെന്റിൽ വെച്ചാണ് ഇയാൾ പീഡിപ്പിച്ചത്. മൊറാദാബാദില്‍ നിന്നും എസ്‌കോര്‍ട്ട് ഡ്യൂട്ടിയ്ക്ക് കയറിയ കമാല്‍ യുവതിയെ കൊല്ലുമെന്ന് ഭീഷണിപ്പെടുത്തിയാണ് ബലാത്സംഗം ചെയ്തതെന്നാണ് മൊറാദാബാദ് ജി.ആര്‍.പി പൊലീസ് സൂപ്രണ്ട് കേശവ് കുമാര്‍ ചൗധരി അറിയിച്ചത്.  

പുറത്ത് വിട്ട വീഡിയോയിൽ കാണിക്കുന്ന ദൃശ്യങ്ങൾ ഇതിനോടകം വൈറലായിരിക്കുകയാണ്. പീഡന സംഭവം വാർത്തയായതോടെ ഇയാളെ സസ്‌പെൻഡ് ചെയ്‌തെങ്കിലും ഇപ്പോഴും പോലീസ് സ്റ്റേഷനുകളിൽ ലഭിക്കുന്നത് വി ഐ പി ട്രീറ്റ്മെന്റ് ആണെന്നാണ് പറയുന്നത്.