ബസ് യാത്രയ്ക്കിടെ വൈദ്യുതി ലൈന്‍ പൊട്ടിവീണ് ഷോക്കേറ്റ് രണ്ട് വിദ്യാര്‍ത്ഥികള്‍ മരിച്ചു

തമിഴ്‌നാട്ടില്‍ രണ്ട് വിദ്യാര്‍ത്ഥികള്‍ ഷോക്കേറ്റ് മരിച്ചു.

തമിഴ്‌നാട്ടില്‍ രണ്ട് വിദ്യാര്‍ത്ഥികള്‍ ഷോക്കേറ്റ് മരിച്ചു. തേനിയില്‍ ഞായറാഴ്ചയാണ് സംഭവം നടന്നത്. ബസില്‍ യാത്ര ചെയ്യുന്നതിനിടെയായിരുന്നു അപകടം നടന്നത്. ബസ് ഡ്രൈവറും കണ്ടക്ടറും ഉള്‍പ്പെടെ നിരവധി പേര്‍ക്ക് ഷോക്കേറ്റിട്ടുണ്ട്. ഇവരെ തേനിയിലെ ഗവണ്‍മെന്റ് ആശുപത്രിയില്‍ പ്രവേശിപ്പിച്ചിച്ചു. ആരുടേയും നില ഗുരുതരമല്ല.

പത്താം ക്ലാസ് വിദ്യാര്‍ത്ഥിയായ മുരുകന്‍, പന്ത്രണ്ടാം ക്ലാസ് വിദ്യാര്‍ത്ഥിയായ കാര്‍ത്തിഗല്‍ സെല്‍വന്‍ എന്നിവരാണ് മരിച്ചത്. പൊട്ടിവീണ വൈദ്യുതി ലൈനില്‍ നിന്നും തെങ്ങിലേക്ക് കരണ്ട് പടര്‍ന്നതറിയാതെ തൂങ്ങിയാടിയ തെങ്ങോലയില്‍ പിടിച്ചതാണ് അപകടത്തിന് കാരണമായതെന്ന് പരുക്കേറ്റവര്‍ പറഞ്ഞു. 

ബസ് വഴിയരികില്‍ നിര്‍ത്തിയിട്ടപ്പോഴായിരുന്നു അപകടം നടന്നത്. തെങ്ങോലയില്‍ പിടിച്ച മുരുകനില്‍ നിന്നും സമീപത്തിരുന്നിരുന്ന സെല്‍വനിലേക്ക് വൈദ്യുതി പ്രവഹിച്ചു. രണ്ടു പേരും സംഭവ സ്ഥലത്തു തന്നെ മരിച്ചു. ആരുടെയെങ്കിലും അശ്രദ്ധമൂലമാണോ അപകടം സംഭവിച്ചതെന്ന് പരിശോധിക്കുമെന്ന് പൊലീസ് വ്യക്തമാക്കി.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം