ബിംബിസാരനില്ലാത്ത ലോകം

സംവിദാനന്ദ്

നീതി തെന്നും നിയതിയില്‍
കെട്ട ജീവനെല്ലാം ഒരേ പേര്
പ്രവാചകരൊക്കെ ജ്ഞാനികളായത്
ആട്ടിതെളിച്ച് പിന്നാലെ നടന്ന കൂറല്ലേ

' മേ മേ കുര്‍വ്വാണം' പണ്ഡിതര്‍ക്ക് പുച്ഛം.

ചിന്നിച്ഛിതറിയും .വെടിയുണ്ടയേറ്റും
ചത്തൊടുങ്ങുന്നവരൊക്കെ
പേര് ഞങ്ങള്‍ക്ക് നല്‍കും

ഗൗതമാ….. ഊരു വേലം വലം വച്ചു
ഞങ്ങളെ ചുമലിലേറ്റി നീയെന്നു
രാജധാനിയിലെത്തും?
ഞങ്ങള്‍ക്കു പകരം നീയെന്നു
നിന്‍റെ കഴുത്തു ബലിപീഠത്തില്‍ വെയ്ക്കും ?
ഈ അഭിനവ ബിംബിസാരചിത്തങ്ങള്‍
എങ്ങനെ ഉണര്‍ത്തും!


മക്കയിലും മന്ദിരങ്ങളിലും
ദൈവമെന്ന പിശാച് ഞങ്ങളെ
ബലി തേടുന്നു
( അവരും രാഷ്ട്രീയക്കാരാ)
പിന്നെ മനുഷ്യനെന്ന തെണ്ടികള്‍
വീതിച്ചു തിന്നും.
ബലിയാടാണുപോല്‍....

നന്ദിയില്ലൊറ്റത്തിനും.