ട്വന്‍റി20, ഓസ്ട്രേലിയക്ക് നേട്ടം

ബ്രിസ്‌ബെയിനില്‍ നടക്കുന്ന രണ്ടാം ട്വന്റി20 ക്രിക്കറ്റ് മത്സരത്തില്‍ ഓസ്ട്രേലിയയ്ക്ക് ആറ്‌ വിക്കറ്റ് ജയം. ദക്ഷിണാഫ്രിക്കയ്ക്ക് എതിരായ മത്സരത്തില്‍ തകര്‍പ്പന്‍ പ്രകടനമാണ് ഓസ്‌ട്രേലിയ കാഴ്ചവച്ചത്.

ടോസ് നേടി ആദ്യം ബാറ്റ് ചെയ്യാനാരംഭിച്ചത് ദക്ഷിണാഫ്രിക്കയാണ്. ഇരുപത് ഓവറില്‍ അഞ്ചു വിക്കറ്റ് നഷ്ടപ്പെടുത്തിക്കൊണ്ട് 157 റണ്‍സെടുക്കാനേ അവര്‍ക്കായുള്ളൂ.

കളിയുടെ തുടക്കത്തില്‍ ഓസ്‌ട്രേലിയയ്ക്കെതിരെ വന്‍ പ്രതിരോധമാണ് ദക്ഷിണാഫ്രിക്ക ഒരുക്കിയത്. എന്നാല്‍ മൈക്കല്‍ ഹസ്സിയും (33 പന്തില്‍ 53) കാമറൂണ്‍ വൈറ്റും (18 പന്തില്‍ 40) ചേര്‍ന്ന് ഓസ്ട്രേലിയയെ രക്ഷപ്പെടുത്തി.

ദക്ഷിണാഫ്രിക്കയുടെ മുഖം രക്ഷിച്ചത് ജീന്‍ പോള്‍ ഡുമിനിയുടെ ബാറ്റിംഗാണ്. 41 പന്തില്‍ 69 റണ്‍സെടൂത്ത ഡുമിനി പുറത്താകാതെ നിന്നതുമാത്രമാണ് ദക്ഷിണാഫ്രിക്കയ്ക്ക് അവകാശപ്പെടാവുന്ന നേട്ടം. ആദ്യ മത്സരത്തിലും മിന്നുന്ന പ്രകടനമാണ് ഡുമിനി കാഴ്ചവച്ചത്. ആദ്യ മത്സരത്തില്‍ ഡുമിനി അര്‍ദ്ധ സെഞ്ച്വറി നേടിയിരുന്നു.