ധോണിയൊക്കെ എന്ത് ! വിക്കറ്റിനു പിന്നില്‍ അതിവേഗ റെക്കോര്‍ഡ് കുറിച്ച് റിഷഭ് പന്ത്

വിക്കറ്റിനു പിന്നില്‍ പുതിയ റെക്കോര്‍ഡ് കുറിച്ച് ഇന്ത്യന്‍ വിക്കറ്റ് കീപ്പര്‍ റിഷഭ് പന്ത്. ടെസ്റ്റ് ക്രിക്കറ്റില്‍ അതിവേഗം 100 പേരെ പുറത്താക്കിയ ഇന്ത്യന്‍ വിക്കറ്റ് കീപ്പര്‍ എന്ന നേട്ടമാണ് പന്ത് സെഞ്ചൂറിയന്‍ ടെസ്റ്റില്‍ സ്വന്തമാക്കിയത്. 26 ടെസ്റ്റ് മത്സരങ്ങളില്‍ നിന്നാണ് പന്ത് നൂറ് പേരെ പുറത്താക്കിയത്. സാക്ഷാല്‍ എം.എസ്.ധോണിയുടെ റെക്കോര്‍ഡ് ആണ് പന്ത് മറികടന്നത്. ധോണി 36-ാം ടെസ്റ്റിലാണ് നൂറാം പുറത്താക്കല്‍ നേട്ടം കുറിച്ചത്. ദക്ഷിണാഫ്രിക്കന്‍ താരം തെംബ ബാവുമയെ വിക്കറ്റിനു പിന്നില്‍ ക്യാച്ച് ചെയ്താണ് പന്ത് തന്റെ നൂറാം പുറത്താക്കല്‍ റെക്കോര്‍ഡ് കുറിച്ചത്.