ചഹലിനെ അവസാനത്തേക്ക് നീക്കിവെച്ച രാജതന്ത്രം; സഞ്ജുവിന്റെ ക്യാപ്റ്റന്‍സി കിടിലം !

കൊല്‍ക്കത്ത നൈറ്റ് റൈഡേഴ്‌സിനെതിരായ മത്സരത്തിലെ സഞ്ജു സാംസണിന്റെ ക്യാപ്റ്റന്‍സിക്ക് കയ്യടി. രാജസ്ഥാന്‍ നായകന്‍ സഞ്ജു മത്സരത്തിലുടനീളം ടീം അംഗങ്ങള്‍ക്ക് പ്രതീക്ഷയും കരുത്തും പകര്‍ന്നു. കൊല്‍ക്കത്തയുടെ സ്‌കോര്‍ ബോര്‍ഡ് അതിവേഗം ചലിച്ചപ്പോള്‍ പോലും തന്റെ ബൗളര്‍മാരെ സഞ്ജു കുറ്റപ്പെടുത്തുകയോ അവരോട് ദേഷ്യപ്പെടുകയോ ചെയ്തില്ല. മത്സരത്തിലുടനീളം കൂള്‍ ക്യാപ്റ്റനായിരുന്നു സഞ്ജുവെന്നാണ് ആരാധകരുടെ വിലയിരുത്തല്‍.