കേരളത്തിലെ പല ക്ഷേത്രങ്ങളിലും വൃശ്ഛികോത്സവം തുടങ്ങി. മിക്ക ക്ഷേത്രങ്ങളിലും മണ്ഡല ചിറപ്പ് നടക്കുകയാണ്.
ഓച്ചിറ പരബ്രഹ്മക്ഷേത്ര ത്തിലെ വൃശ്ചികോല്‍ സവം പ്രശസ്തമാണ്. ഇതാണ് പന്ത്രണ്ട് വിളക്ക്" മഹോത്സവം. വൃശ്ചികത്തിലെ ആദ്യ ത്തെ പന്ത്രണ്ട് ദിനരാത്ര ങ്ങള്‍ ഓച്ചിറ പടനിലം പരബ്രഹ്മ സ്തുതികളാലും നാമജപ മന്ത്രോച്ചാരണത്താലും നിറയും.
വൃശ്ചികം ഒന്നുമുതല്‍ 12 ദിവസമാണ് വിളക്ക് നീണ്ടുനില്‍ക്കുന്നത്. ഈ ഉത്സവകാലത്ത് ജാതിമതഭേദമന്യേ ക്ഷേത്രസങ്കേതത്തില്‍ എല്ലാവരും കുടിലുകള്‍കെട്ടി താമസിച്ച് ഭജനമിരിക്കുന്നു.
ഓരോവിഭാഗത്തിനും ഭരണസമിതിയുടെ നേതൃത്വത്തില്‍ പ്രത്യേകം പ്രത്യേകം കമ്മിറ്റികളുണ്ട്.പരബ്രഹ്മ ഭുമിയിലുയര്‍ന്ന 1400 ചെറുകുടിലുകളിലും അരയാല്‍ ത്തറകളിലുമൊക്കെയായി വൃശ്ഛികം ഒന്നു മുതലുള്ള 12 ദിനരാത്രങ്ങളില്‍ പരബ്രഹ്മ ഭജന നടത്താന്‍ ആയിരങ്ങള്‍ കുടുംബസമേതം എത്തിയിട്ടുണ്ട്..
വിവിധ ദിവസങ്ങളിലായി മതസമ്മേളനങ്ങള്‍, സര്‍വമത സമ്മേളനം, വനിതാ സമ്മേളനം, യുവജന സമ്മേളനം, കാര്‍ഷിക - വ്യാവസായിക സമ്മേളനം, സാംസ്കാരിക സമ്മേളനം, ആരോഗ്യ സമ്മേളനം തുടങ്ങിയവ നടക്കുന്നു. പടനിലത്ത് കുടിവെള്ളം മുടങ്ങാതെ വിതരണം ചെയ്യുന്നതിനുള്ള പ്രവര്‍ത്തനങ്ങളും തുടങ്ങിക്കഴിഞ്ഞു.