ഒളിമ്പിക്‌സിലെ ഇടിക്കൂട്ടിൽ മേരി കോമിന് പിന്നാലെ ലോവ്‌ലിന ബോര്‍ഗോഹൈനും ജയത്തോടെ തുടക്കം.വനിതകളുടെ 69 കിലോ വിഭാഗത്തില്‍ ജര്‍മനിയുടെ നദിനെ അപെറ്റ്‌സിനെ 3-2 എന്ന സ്‌കോറിന് പരാജയപ്പെടുത്തിയാണ് ലോവ്‌ലിന ക്വാർട്ടറിൽ കടന്നത്. അടുത്ത മത്സരം കൂടി വിജയിക്കാനായാൽ ലോവ്‌ലിനയ്ക്ക് ഒരു മെഡൽ ഉറപ്പിക്കാം.
അതേസമയം ഒളിമ്പിക്‌സിലെ തന്റെ ആദ്യ വിജയമാണ് താരം കുറിച്ചത്. എതിരാളിയെ നിഷ്‌പ്രഭമാക്കുന്ന പ്രകടനമാണ് ലോവ്‌ലിന കാഴ്‌ച്ചവെച്ചത്. നാലാം സീഡും മുന്‍ ലോക ചാമ്പ്യനുമായ നിയെന്‍ ചിനാണ് ക്വാര്‍ട്ടറില്‍ ലോവ്‌ലിനയുടെ എതിരാളി.