Webdunia - Bharat's app for daily news and videos

Install App

ഞങ്ങൾക്ക് നിങ്ങളുടെ പിന്തുണ വേണം, 2018 ലോകകപ്പിൽ റാണി ‌റാംപാൽ കരഞ്ഞ് പറഞ്ഞു, സിനിമയെ വെല്ലും ഇന്ത്യൻ ഹോക്കി ടീമിന്റെ വിജയഗാഥയുടെ കഥ

Webdunia
തിങ്കള്‍, 2 ഓഗസ്റ്റ് 2021 (12:50 IST)
2018ലെ വനിതാ ലോകകപ്പ് ഹോക്കി മത്സരങ്ങൾ ശരാശരി ഇന്ത്യൻ കായികപ്രേമിക്ക് ഓർമയുണ്ടാകണം എന്നില്ല. ക്രിക്കറ്റ് മത്സരങ്ങളിൽ മാത്രം ആവേശം കൊള്ളുന്ന വലിയവിഭാഗം കായികപ്രേമികളിൽ നിന്ന് ലോകകപ്പ് ക്വാർട്ടർ ഫൈനൽ മത്സരത്തിൽ തങ്ങളെ പിന്തുണയ്ക്കണമെന്ന് ഇന്ത്യൻ വനിതാ ഹോക്കി ടീം ക്യാപ്‌റ്റൻ റാണി ‌റാംപാൽ പരസ്യമായി ആവശ്യപ്പെടുന്നത് അന്നാണ്. ഇന്നിപ്പോൾ ചരിത്രത്തിലാദ്യമായി ഒളി‌മ്പിക്‌സ് മത്സരത്തിൽ സെമി ഫൈനലിലെത്തി നിൽക്കുമ്പോഴും ടീമിന്റെ അമരത്ത് റാണി റാംപാൽ തന്നെയാണ്.
 
എന്നാൽ മുൻപ് കളി കാണാൻ കാണികളോട് അപേക്ഷിക്കേണ്ടതിൽ നിന്ന് മാറി വനിതകളുടെ വിജയം ആഘോഷിക്കുകയാണ് ഇന്ത്യൻ കായികപ്രേമികൾ. ഹോക്കിയിലെ തിരിച്ചുവരവിന്റെ കഥ പറഞ്ഞ ചക്ക് ദേ ഇന്ത്യയെ നാണിപ്പിക്കുന്ന ട്വിസ്റ്റ്.
 
ഓസ്ട്രേലിയക്കെതിരായ ക്വാർട്ടർ ഫൈനൽ മത്സരത്തിൽ ഗുര്‍ജിത്ത് കൗറാണ് ഇന്ത്യയുടെ വിജയ ഗോള്‍ നേടിയത്. ഗോള്‍ നേടിയത് മാത്രമല്ല ഓസ്‌ട്രേലിയയെ പ്രതിരോധത്തില്‍ ശരിക്കും പൂട്ടിയാണ് വനിതകളുടെ പോരാട്ടം ഒരുപടി കടന്ന് മുന്നോട്ട് പോയത്.ഇന്ത്യയുടെ പ്രതിരോധക്കോട്ട പൊളിക്കാൻ ഒരിക്കൽ പോലും ഓസീസിനായില്ല.
 
വനിതാ ഹോക്കി ടീമിന്റെ മൂന്നാമത്തെ മാത്രം ഒളിമ്പിക്‌സ് ആണിത്. 1980ലും 2016ലും മാത്രമാണ് വനിതാ ടീം ഒളിമ്പിക്‌സില്‍ മത്സരിച്ചിട്ടുള്ളത്. മൂന്നാമത്തെ ഒളിമ്പിക്‌സില്‍ തന്നെ ടീം ചരിത്രമെഴുതി സെമിയില്‍ കടന്നിരിക്കുന്നു എന്നത് ഏതൊരു കായികപ്രേമിയേയും ആവേശത്തിലാഴ്ത്തുന്നതാണ്. ഒരു സിനിമാക്കഥയെ വെല്ലുന്ന ഉയർത്തെഴുന്നേൽപ്പിന്റെ കഥ കൂടി പറയാനുണ്ട് ഇത്തവണത്തെ വനിതാ ടീമിന്.
 
ഗ്രൂപ്പ് ഘട്ടത്തിൽ നെതർലാന്റ്‌സിനെതിരെ (5-1)ന് തോൽവി അടുത്ത മത്സരത്തിൽ ജർമനിയുമായി (2-1)ന്റെ തോൽവി. ഇംഗ്ലണ്ടുമായി (4-1)ന്റെ തോൽവി. തീർത്തും എല്ലാവാരാലും എഴുതിതള്ളിപ്പെട്ട ടീം പിന്നീട് സ്വപ്‌നസമാനമായ തിരിച്ചുവരവായിരുന്നു ഒളിമ്പിക്‌സിൽ നടത്തിയത്. പിന്നീട് നടന്ന ഗ്രൂപ്പ് മത്സരങ്ങളിൽ അയർലാന്റിനെ ഒരു ഗോളിനും സൗത്ത് ആഫ്രിക്കയെ മൂന്നിനെതിരെ നാലു ഗോളുകൾക്കും പരാജയപ്പെടുത്തി പ്രയാസപ്പെട്ടാണ് ടീം ഗ്രൂപ്പ് മത്സരങ്ങൾ പിന്നിട്ടത്.
 
എന്നാൽ തുടർന്ന് നടന്ന ക്വാർട്ടർ ഫൈനൽ മത്സരത്തിൽ ലോക രണ്ടാം നമ്പര്‍ ടീമായ ഓസീസിനെതിരെ ലോക ഒമ്പതാം നമ്പറായ വനിതകള്‍ എല്ലാ അര്‍ത്ഥത്തിലും ഗംഭീര പ്രകടനമാണ് പുറത്തെടുത്തത്. ഓസീസിനെതിരെ പ്രതിരോധക്കോട്ട കെട്ടിയ ഇന്ത്യൻ നിര ഈ ഈ ഒളിമ്പിക്‌സ് ഇന്ത്യ നേടുന്ന ആദ്യത്തെ പെനാള്‍ട്ടി കോര്‍ണറിലൂടെയാണ് തങ്ങളുടെ വിജയഗോൾ നേടിയത്.
 
 അര്‍ജന്റീന, നെതര്‍ലെന്റ്‌സ്, ന്യൂസിലന്‍ഡ്, സ്‌പെയിന്‍, ബ്രിട്ടന്‍, ഇവയില്‍ ഏതെങ്കിലും ടീമിനെയാവും ഇന്ത്യ സെമിയില്‍ നേരിടുക. ചാരത്തിൽ നിന്നും പറന്നുയർന്ന വനിതാ ടീം ഈ ഒളിമ്പിക്‌സിന്റെ തന്നെ അമരത്തെത്തില്ലെന്ന് ആര് കണ്ടു.

അനുബന്ധ വാര്‍ത്തകള്‍

വായിക്കുക

SRH vs RR: 300 പോലും അടിക്കാൻ കെൽപ്പുള്ള ഹൈദരാബാദ് ഇന്ന് രാജസ്ഥാനെതിരെ, രാജസ്ഥാൻ പാട് പെടും, ആവേശപ്പോരാട്ടം മൂന്നരയ്ക്ക്

Rajasthan Royals Probable Eleven: പരാഗിന് കീഴിൽ രാജസ്ഥാൻ ഇന്നിറങ്ങുന്നു, സഞ്ജുവിന് ടീമിൽ പുതിയ റോൾ, പ്ലേയിങ്ങ് ഇലവൻ എങ്ങനെ?

Krunal Pandya: 'ആളറിഞ്ഞു കളിക്കെടാ'; ആര്‍സിബി ജേഴ്‌സിയണിഞ്ഞ ആദ്യ കളിയില്‍ തിളങ്ങി ക്രുണാല്‍

Ajinkya Rahane: വെറുതെയല്ല ക്യാപ്റ്റനാക്കിയത്; ഈഡന്‍ ഗാര്‍ഡന്‍സില്‍ തീയായി രഹാനെ

India vs New Zealand, Champions Trophy Final 2025: നന്നായി സൂക്ഷിക്കണം, തോന്നിയ പോലെ അടിച്ചുകളിക്കാന്‍ പറ്റില്ല; ചാംപ്യന്‍സ് ട്രോഫി ഫൈനല്‍ ഏത് പിച്ചിലെന്നോ?

എല്ലാം കാണുക

ഏറ്റവും പുതിയത്

Rishabh Pant: 'ഒരു കോടിക്കുള്ള പണിയെങ്കിലും എടുക്ക്'; വീണ്ടും നിരാശപ്പെടുത്തി പന്ത്, ഇത്തവണ രണ്ട് റണ്‍സ് !

പുതിയ താരങ്ങളെ വളർത്തിയെടുക്കു, എന്തിനാണ് ഛേത്രിയെ തിരിച്ചുവിളിച്ചത്, വിമർശനവുമായി ബൈച്ചുങ് ബൂട്ടിയ

എന്റര്‍ടൈന്മെന്റ് ബാറ്റര്‍മാര്‍ക്ക് മാത്രം മതിയോ ?, ഇങ്ങനെ തല്ലിചതയ്ക്കാന്‍ ബൗളര്‍മാരെ ഇട്ടുകൊടുക്കണോ? വിമര്‍ശനവുമായി ഷാര്‍ദൂല്‍ ഠാക്കൂര്‍

Ashwani Kumar:പഞ്ചാബ് കിങ്ങ്സിൽ വെറുതെ ഇരുന്ന താരത്തെ 30 ലക്ഷത്തിന് റാഞ്ചി, വിഗ്നേഷിനെ പോലെ മുംബൈ കണ്ടെടുത്ത മറ്റൊരു മാണിക്യം,"അശ്വിനി കുമാർ"

എനിക്ക് ആ ഷോട്ട് സ്വപ്നം കാണാനെ കഴിയു, സൂര്യ ഇഷ്ടം പോലെ തവണ അത് കളിച്ചു കഴിഞ്ഞു, ഞാൻ ഒരിക്കൽ പോലും ട്രൈ ചെയ്യില്ല: റിയാൻ റിക്കിൾട്ടൺ

അടുത്ത ലേഖനം
Show comments