ഡ്യുവല്‍ റിയര്‍ ക്യാമറ, 128 ജിബി സ്റ്റോറേജ്; അസ്യൂസ് സെന്‍ഫോണ്‍ 3 സൂം വിപണിയിലേക്ക് !

അസ്യൂസ് സെന്‍ഫോണ്‍ 3 സൂമിന്റെ128ജിബി വേരിയന്റ് ഉടന്‍ എത്തുന്നു!

തയ്‌വാനീസ് സ്മാര്‍ട്ട്‌ഫോണ്‍ കമ്പനിയായ അസ്യൂസ് തങ്ങളുടെ ഏറ്റവും പുതിയ സ്മാര്‍ട്ട്ഫോണ്‍ സെന്‍ഫോണ്‍ 3 സൂം വിപണിയിലെത്തിക്കുന്നു. ഫ്രബ്രുവരി ആദ്യവാരത്തോടെയായിരിക്കും ഈ ഫോണിന്റെ വിപണി പ്രവേശനം. 128 ജിബി വേരിയന്റിലുളള ഈ ഫോണിന്റെ വില 36,000 രൂപയാണെന്നാണ് കമ്പനി പറയുന്നത്. കൂടാതെ 64 ജിബി വേരിയന്റിലുള്ള മറ്റൊരു ഫോണും ഇറക്കാന്‍ കമ്പനി തീരുമാനിക്കുന്നുണ്ടെന്നാണ് റിപ്പോര്‍ട്ട്. 

അസ്യൂസിന്റെ ആദ്യത്തെ ഡ്യുവല്‍ റിയര്‍ ക്യാമറ സ്മാര്‍ട്ട്‌ഫോണാണ് അസ്യൂസ് സെന്‍ഫോണ്‍ 3 സൂം.13എംപി സെല്‍ഫി ക്യാമറയും 12എംപി പിന്‍ ക്യാമറയുമാണ് ഫോണിലുള്ളത്. 5.5ഇഞ്ച് അമോലെഡ് ഡിസ്‌പ്ലേയാണ് ഇതില്‍ ഉപയോഗിച്ചിരിക്കുന്നത്. കോര്‍ണിങ്ങ് ഗൊറില്ല ഗ്ലാസ് 5, ക്വല്‍കോം സ്‌നാപ്ഡ്രാഗണ്‍ 625 പ്രോസസര്‍, 4ജിബി റാം,1 5000എംഎഎച്ച് ബാറ്ററി എന്നീ ഫീച്ചറുകളും ഈ മോഡലിലുണ്ട്.