അമ്പരപ്പിക്കുന്ന വിലയില്‍ ഹുവായ് മെയ്റ്റ് 10ന്റെ പിന്‍‌ഗാമി, ഹുവായ് ഹോണര്‍ വ്യൂ 10 ഇന്ത്യയില്‍ !

ഹുവായ് ഹോണര്‍ വ്യൂ 10 ഇന്ത്യയിലെത്തി. 64ജിബി/4ജിബി , 64ജിബി/6ജിബി, 128ജിബി/6ജിബി റാം എന്നിങ്ങനെ മൂന്ന് വേരിയന്റുകളിലാണ് ഫോണ്‍ വിപണിയിലേക്കെത്തുന്നത്. ഹോണര്‍ നിര്‍മ്മാതാക്കളായ ഹുവായ് സ്വയം നിര്‍മ്മിച്ച എച്ച്ഐ സിലിക്കോണ്‍ 970 എസ്ഒസി പ്രൊസസര്‍ കരുത്തേകുന്ന ഈ ഫോണുകള്‍ക്ക് യഥാക്രമം 26,400 രൂപ, 29,999 രൂപ, 34,999 രൂപ എന്നിങ്ങനെയാണ് വില. 

ആര്‍ട്ടിഫിഷ്യല്‍ ഇന്റലിജന്‍സ്, അല്ലെങ്കില്‍ മെഷീന്‍ ലേണിങ് സാധ്യമാക്കുന്ന ന്യൂറല്‍ പ്രൊസസിങ് യൂണിറ്റും ഫോണില്‍ ഉള്‍പ്പെടുത്തിയിട്ടുണ്ട്. 5.99 ഇഞ്ച് ഫുള്‍ എച്ച് ഡി ഡിസ്‌പ്ലെയുമായെത്തുന്ന ഈ ഫോണിന് 1,080 x 2,160പിക്സല്‍ റെസലൂഷനാണുള്ളത്. ഹുവായ് മെയ്റ്റ് 10, മെയ്റ്റ് 10 പ്രോ എന്നീ മോഡലുകളേക്കാള്‍ വില കുറവാണെന്നതാണ് ഈ മോഡലിനെ ആകര്‍ഷകമാക്കുന്നത്.