പോക്കറ്റിലൊതുങ്ങുന്ന വിലയില്‍ ഇന്റക്സ് അക്വാ നോട്ട് 5.5 വിപണിയിലേക്ക് !

ഇന്റക്സ് അക്വാ നോട്ട് 5.5 സ്മാര്‍ട്ട്ഫോണ്‍ ഇന്ത്യയില്‍ അവതരിപ്പിച്ചു

ഇന്റക്സിന്റെ ഏറ്റവും പുതിയ സ്മാര്‍ട്ട്ഫോണ്‍ ഇന്റക്സ് അക്വാ നോട്ട് 5.5 ഇന്ത്യയില്‍ അവതരിപ്പിച്ചു. വിര്‍ച്വല്‍ റിയാലിറ്റി സാങ്കേതിക വിദ്യ ഉള്‍പ്പെടുത്തിയിട്ടുള്ള ഈ 4ജി ഫോണിന് 5799 രൂപയാണ് വില. ഷാമ്പയിന്‍ ഗോള്‍ഡ് നിറത്തിലാണ് ഈ ഡ്യുവല്‍ സിം സ്മാര്‍ട്ട്ഫോണ്‍ വിപണിയിലെത്തുക.

ആന്‍ഡ്രോയിഡ് 7.0 ന്യൂഗട്ടില്‍ പ്രവര്‍ത്തിക്കുന്ന ഈ ഫോണില്‍ 1.5 GHz ക്വാഡ്കോര്‍ മീഡിയാ ടെക് പ്രൊസസറും മാലി-ടി720 ഗ്രാഫിക് പ്രൊസസിങ് യൂണിറ്റുമാണ് ഉള്‍പ്പെടുത്തിയിരിക്കുന്നത്. 2 ജിബി റാം, എസ്ഡി കാര്‍ഡ് ഉപയോഗിച്ച് 128 ജിബി വരെ വര്‍ധിപ്പിക്കാന്‍ സാധിക്കുന്ന 16 ജിബി ഇന്‍റേണല്‍ സ്റ്റോറേജും ഫോണിലുണ്ട്.   

ഓട്ടോഫോക്കസോടുകൂടിയ എട്ട് മെഗാപിക്സല്‍ റിയര്‍ ക്യാമറ, അഞ്ച് മെഗാപിക്സല്‍ സെല്‍ഫി ക്യാമറ , 2800 എം‌എ‌എച്ച് ലി-ഇയോണ്‍ ബാറ്ററി WLAN, ബ്ലൂടൂത്ത്, ജിപിഎസ്, എഫ്‌എം റേഡിയോ 3.5 mm ജാക്ക്, യുഎസ്ബി പോര്‍ട്ട് എന്നീ ഫീച്ചറുകളും ഈ ഫോണിലുണ്ടായിരിക്കും.