അപ്രതീക്ഷിത നീക്കവുമായി ആപ്പിള്‍; ചുവന്ന ഐഫോണ്‍ 7, പോക്കറ്റിലൊതുങ്ങുന്ന വിലയില്‍ ഐപാഡ് !

വില കുറച്ച് പുതിയ ഐപാഡും ചുവന്ന ഐഫോണ്‍ 7നും എത്തി

ചുവന്ന നിറത്തിലുള്ള ഐഫോണ്‍ വിപണിയിലെത്തി. ലിമിറ്റഡ്​എഡിഷനായാണ് ഐഫോൺ 7​ന്റെ ചുവന്ന നിറത്തിലുള്ള പതിപ്പ്​ആപ്പിൾ അവതരിപ്പിച്ചിരിക്കുന്നത്​. നിറത്തിലുണ്ടായ മാറ്റമല്ലാതെ ഫോണിൽ മറ്റ് തരത്തിലുള്ള​മാറ്റങ്ങളൊന്നും ആപ്പിൾ വരുത്തിയിട്ടില്ല. 82,000 രൂപയാണ്​ഐഫോൺ ലിമിറ്റഡ്​എഡിഷന്റെ വില.

പുതിയ ഐപാഡും കമ്പനി വിപണിയിലവതരിപ്പിച്ചിട്ടുണ്ട്. 9.7 ഇഞ്ച് ഡിസ്പ്ലേയാണ് ഈ പുതിയ മോഡലിലുള്ളത്. പത്ത് മണിക്കൂർ നീണ്ട്​നിൽക്കുന്ന ബാറ്ററിയും ഈ ഐപാഡിന് ആപ്പിൾ വാഗ്ദാനം ചെയ്യുന്നുണ്ട്. 8മെഗാപിക്സല്‍ പിന്‍ ക്യാമറ, 1.2 മെഗാപിക്സല്‍ സെല്‍ഫി ക്യാമറ എന്നീ പ്രത്യേകതകളും ഐപാഡിലുണ്ട്. 

വില തന്നെയാണ് പുതിയ ഐപാഡിന്റെ ഹൈലൈറ്റ്. 32 ജിബി വൈഫൈ മോഡലിന്​ 28,990 രൂപയും വൈഫൈ സെല്ലുലാർ മോഡലിന്​ 39,990 രൂപയുമാണ്​വിപണിയിലെ വില. വൈഫൈ സെല്ലുലാർ മോഡലിൽ മികച്ച ഇൻറർനെറ്റ്​കണക്ടിവിറ്റി ലഭ്യമാകുമെന്ന് ആപ്പിള്‍ അറിയിച്ചു.