തന്റെ ചിത്രം വൻ വിജയമാക്കിയതിന് മോഹൻലാലിനോട് നന്ദി പറഞ്ഞ് സംവിധായകൻ!

മോഹൻലാലിനോട് നന്ദി അറിയിച്ച് ജനതാ ഗാരേജിന്റെ സംവിധായകൻ

മോഹൻലാലും ജൂനിയർ എൻടിആറും ഒന്നിച്ച ജനതാ ഗാജേര് വൻ വി‌ജയമായി മാറിയിരിക്കുകയാണ്. തെലുങ്ക് സിനിമാചരിത്രത്തില്‍ വിസ്മയം തീർത്തിരിക്കുകയാണ് ചിത്രം. ചിത്രത്തിന്റെ സറ്റലൈറ്റ് അവകാശം മാ ടി വി സ്വന്തമാക്കിയെങ്കിലും ജനതാ ഗാരേജ് ഇപ്പോഴും പ്രദർശനം തുടരുകയാണ്. ഇപ്പോഴിതാ മോഹൻലാലും ജൂനിയർ എൻടിആറിനും നന്ദി അറിയിച്ച് രംഗത്തെത്തിയിരിക്കുകയാണ് ചിത്രത്തിന്റെ സംവിധായകൻ കൊരട്ടാല ശിവ.

ജനത ഗാരേജ് ഒരു വന്‍ വിജയമാക്കിയതിന് ട്വിറ്ററിലൂടെയാണ് സംവിധായകന്‍ നന്ദി അറിയിച്ചത്. ചിത്രം ഒരു സ്‌പെഷ്യലാക്കിയതിന് മോഹന്‍ലാല്‍ സാറിന് പ്രത്യേകം നന്ദി. മൈത്രി മൂവി മേക്കേഴ്‌സ്, ഛായാഗ്രാഹകന്‍ തിരു, സംഗീത പകര്‍ന്ന ദേവി ശ്രീ പ്രസാദ് തുടങ്ങി ജനത ഗാരേജ് ടീമിലെ എല്ലാവര്‍ക്കും നന്ദി.

2016ല്‍ തെലുങ്കില്‍ പുറത്തിറങ്ങിയവയില്‍ ഏറ്റവും കൂടുതല്‍ ബോക്‌സോഫീസ് കളക്ഷന്‍ നേടിയ ചിത്രം കൂടിയായിരുന്നു ജനത ഗാരേജ്. 140.5 കോടിയാണ് ഇതുവരെ ചിത്രം ബോക്‌സോഫീസില്‍ നേടിയിരിക്കുന്നത്. എക്കാലത്തെയും മികച്ച ടോളിവുഡ് ചിത്രങ്ങളില്‍ മൂന്നാം സ്ഥാനമാണിപ്പോള്‍ ജനത ഗാരേജിന്. എസ്എസ് രാജമൗലിയുടെ ബ്രഹ്മാണ്ഡ ചിത്രമാണ് ഈ പട്ടികയില്‍ ഒന്നാം സ്ഥാനത്ത്.